चीनको वैदेशिक व्यापारले गति लियो

बेइजिङ । यस वर्षकोे पहिलो सात महिनामा चीनको वैदेशिक व्यापार २४ दशमलव ८३ ट्रिलियन युआन (तीन दशमलव ४६ ट्रिलियन डलर) पुगेको छ । जुन वार्षिकरूपमा छ दशमलव दुई प्रतिशतले वृद्धि भएको भन्सार प्रशासनले बुधबार जारी गरेको तथ्यांकमा देखिएको छ ।

भन्सार प्रशासनका प्रवक्ता ल्यु दाइल्याङले चीनको आर्थिक परिचालन सामान्यतया स्थिर रहेको र विदेशी व्यापारले वर्षको सुरुदेखि नै सकारात्मक प्रवृत्ति कायम राखेको बताए । सोही अवधिमा कुल निर्यात छ दशमलव सात प्रतिशतले १४ दशमलव २६ ट्रिलियन युआन भएको छ । जब कि आयात १० दशमलव ५७ ट्रिलियन युआन थियो, जुन पाँच दशमलव चार प्रतिशतले बढेको छ ।

बलियो वृद्धिको श्रेय बलियो घरेलु माग, उन्नत उत्पादन, र विश्वव्यापी व्यापारमा रिबाउन्डसहित धेरै कारकहरूलाई दिइएको छ । आसियान चीनको सबैभन्दा ठूलो व्यापारिक साझेदार बनेको छ, पहिलो सात महिनामा द्विपक्षीय व्यापारको मात्रा तीन दशमलव ९२ ट्रिलियन युआन पुगेको छ । जुन एक वर्षअघिको तुलनामा १० दशमलव ५० प्रतिशतले बढेर देशको कुल वैदेशिक व्यापारको १५ दशमलव ८० प्रतिशत हो ।

युरोपियन युनियनद्वारा चिनियाँ विद्युतीय सवारीसाधनहरूमा अस्थायी शुल्क लगाएपछि चलिरहेको व्यापार विवादको बाबजुद दुई पक्षबीचको व्यापार तीन दशमलव २२ ट्रिलियन युआनमा दोस्रो स्थानमा छ, त्यसपछि अमेरिका दुई दशमलव ७२ ट्रिलियन युआनमा छ ।

बेल्ट एन्ड रोड इनीसीएटीभमा सहभागी देशहरूसँगको चीनको सामानको व्यापार पहिलो सात महिनामा सात दशमलव एक प्रतिशतले बढेर ११ दशमलव ७२ ट्रिलियन युआन पुगेको छ । मेकानिकल र विद्युतीय उत्पादनहरूले यस अवधिमा चीनको निर्यातमा प्रभुत्व जमाउन जारी राखे, कुलको झन्डै ६० प्रतिशत हो । जुलाईमा देशको वैदेशिक व्यापार तीन दशमलव ६८ ट्रिलियन युआन पुगेको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments