काठमाडौं । नेपाल धितोपत्र बोर्डमा गत आर्थिक वर्षमा करिब एक खर्ब रुपैयाँबराबरको धितोपत्र सूचीकृत भएको छ । बोर्डका अनुसार गत आर्थिक वर्ष २०८०/८१ मा एक खर्ब ३० अर्ब ४७ करोड रुपैयाँबराबरको धितोपत्र सूचीकृत भएको हो । गत आर्थिक वर्षमा ८६ अर्ब ८१ करोड रुपैयाँबराबरको साधारण सेयर, २१ अर्ब ९८ करोड रुपैयाँबराबरको हकप्रद सेयर, २१ अर्ब ६५ करोड रुपैयाँबराबरको बोनस सेयर र तीन करोड रुपैयाँबराबरको थप सार्वजनिक निष्काशन (एफपीओ) गरी कुल एक खर्ब ३० अर्ब ४७ करोड रुपैयाँबराबरको थप धितोपत्र सूचीकृत भएका हुन् ।
समीक्षा अवधिमा नेपाल धितोपत्र बोर्डले १० अर्ब ७५ करोड रुपैयाँबराबरको साधारण सेयर, सात अर्ब ६५ करोड रुपैयाँबराबरको हकप्रद सेयर, छ अर्ब दुई करोड रुपैयाँबराबरको डिबेन्चर र चार अर्ब ७० करोड रुपैयाँबराबरको म्युचुअल फन्ड गरी कुल २९ अर्ब १२ करोड रुपैयाँबराबरको धितोपत्र सार्वजनिक निष्काशनका लागि अनुमति दिएको छ ।
२०८१ असार मसान्तमा नेपाल स्टक एक्सचेन्ज लिमिटेड (नेप्से)मा सूचीकृत कम्पनीहरूको संख्या भने दुई सय ७० वटा पुगेको छ । सूचीकृत कम्पनीहरूमध्ये एक सय ३२ वटा बैंक तथा वित्तीय संस्था र बीमा कम्पनी रहेका छन् भने ९१ वटा जलविद्युत् कम्पनी, २२ वटा उत्पादन तथा प्रशोधन उद्योग, सातवटा होटल, सातवटा लगानी कम्पनी, चारवटा व्यापारिक संस्था र सातवटा अन्य समूहका रहेका छन् । २०८० असारमा सूचीकृत कम्पनीहरूको संख्या भने दुई सय ५४ वटा थियो ।
सूचीकृत कम्पनीहरूमध्ये बैंक तथा वित्तीय संस्था र बीमा कम्पनीको धितोपत्र बजार पुँजीकरणको हिस्सा ५८ दशमलव छ प्रतिशत रहेको छ । त्यसैगरी, जलविद्युत् कम्पनीको हिस्सा १५ दशमलव एक प्रतिशत, लगानी कम्पनीको हिस्सा सात दशमलव तीन प्रतिशत, उत्पादन तथा प्रशोधन उद्योगको हिस्सा छ दशमलव चार प्रतिशत, होटेलको हिस्सा दुई दशमलव आठ प्रतिशत, व्यापारिक संस्थाको हिस्सा शून्य दशमलव पाँच प्रतिशत तथा अन्य समूहका कम्पनीहरूको हिस्सा नौ दशमलव दुई प्रतिशत छ ।
नेपाल स्टक एक्सचेन्ज लिमिटेडमा २०८१ असार मसान्तमा सूचीकृत आठ अर्ब ३२ करोड रुपैयाँ सेयरको चुक्ता मूल्य आठ खर्ब २५ अर्ब पाँच करोड रुपैयाँ छ । २०८० असार मसान्तमा दुई हजार ९७ दशमलव १० विन्दुमा रहेको नेप्से सूचकाङ्क २०८१ असार मसान्तमा दुई हजार दुई सय ४० दशमलव ४१ विन्दुमा कायम भएको छ । त्यस्तै पछिल्लो वर्ष धितोपत्र बजार पुँजीकरण चार खर्ब ७१ करोड १६ रुपैयाँले वृद्धि भएको छ । २०८१ असार मसान्तमा धितोपत्र बजार पुँजीकरण ३५ खर्ब ५३ अर्ब ६८ करोड रुपैयाँ कायम भएको छ । २०८० असार मसान्तमा बजार पुँजीकरण ३० खर्ब ८२ अर्ब ५२ करोड रुपैयाँ थियो ।
क्याटेगोरी : बैंक बित्त बजार
ट्याग : #Page 1
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया