नयाँदिल्ली । भारतमा बिक्री हुने १२ प्रतिशत मसला गुणस्तरहीन भएको पाइएको छ । भारतीय खाद्य सुरक्षा र मानक प्राधिकरणले देशमा बेचेको मसलाको कुल चार हजार ५४ नमुनाको जाँच गर्दा चार सय ७४ मसला खानयोग्य नभएको पाइएको जनाएको छ ।
प्राधिकरणले मे र जुलाई महिनाको बीचमा ती मसलाहरुको परीक्षण गरेको थियो । सन् २०२४को अप्रिलदेखि मे महिनासम्म सिंगापुर र हङ्कङका सरकारले मसलाको गुणस्तरमा प्रश्न उठाउँदै भारतीय मसला आयातमा प्रतिबन्ध लगाएका थिए ।
खाद्य प्राधिकरणले कुनै ब्रान्ड विवरण नभएका मसलाहरु रहेको र तिनले गुणस्तर र सुरक्षा मापदण्ड पूरा नगरेको उल्लेख गरेको छ । त्यस्तो मापदण्ड र गुणस्तर पूरा नगर्ने कम्पनीलाई कारबाही गरएको पनि प्राधिकरणले जनाएको छ ।
एमडडीएच र एभरेष्टले आफ्ना उत्पादन उपभोक्ताका लागि सुरक्षित भएको दाबी गरेका छन् । यी दुई मसलासहित भारतका चारवटा मासलामाथि हङ्कङ र सिंगापुरले प्रतिबन्ध लगाएका थिए । यी दुवै कम्पनीका उत्पादनमा विषादी ‘इथिलिन अक्साइड’को मात्रा बढी पाइएको भन्दै प्रतिबन्ध लगाएका थिए ।
हङ्कङको फुड सेफ्टी डिपार्टमेन्टले एमडीएच ग्रुपको मद्रास करी पाउडर, सम्भर मसाला पाउडर र करी पाउडरमा उच्च स्तरको इथाइलिन अक्साइड पाइने बताएको थियो । यो कार्सिनोजेनिक विषादी सगरमाथा ब्रान्डको माछा करी मसालामा पनि भेटिएको थियो ।
भारतीय सरकारले सिंगापुर र हङ्कङमा भारतीय मसलामा प्रतिबन्ध नरहेको दाबी गर्दै आएको छ । खाद्य प्राधिकरणले सबै मिडिया रिपोर्टहरुमाथि खण्डन गरेको थियो । सञ्चारमाध्यमहरुमा भारतीय खाद्य नियन्त्रकले जडीबुटी र मसलाहरुमा तोकिएको मापदण्डभन्दा १० गुणा बढी कीटनाशकहरु थप्न अनुमति दिएको खबरहरु आएका थिए ।
क्याटेगोरी : विश्व बजार
ट्याग : #Page 5
ताजा अपडेट
- छ वर्षमा पनि बनेन गजेन्द्रनारायण सिंह अस्पतालको भवन
- जनसभामा जथाभाबी फोहोर गरेको भन्दै महानगरले एमालेलाई तिरायो १ लाख जरिमाना
- देशका अधिकांश भागमा आज मौसम सफा रहने पूर्वानुमान
- यस्तो छ आजका लागि विदेशी मुद्राको विनिमयदर
- विशेष अदालतको फैसलामा चित्त नबुझेको भन्दै आयोगले गर्यो सर्वोच्चमा पुनरावेदन
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया