काठमाडौं । पहाडकी रानीको उपमाले परिचित पर्यटकीय एवं सांस्कृतिक ग्राम बन्दीपुरमा भदौ १६ देखि २३ गतेसम्म साताव्यापी बृहत्तर ‘तीज सप्ताह उत्सव’ आयोजना गरिने भएको छ ।
उत्सव कार्यक्रमअन्तर्गत ‘बृहत् खुला तीज गीत प्रतियोगिता’, तीज सांस्कृतिक कन्सर्ट, तीज महिमा प्रवचन, समेत प्रस्तुत गरिने कार्यक्रम रहेको छ । त्यसैगरी हालसम्म बाहिरी दुनियाँसँग कम प्रचारित धार्मिक शक्तिपीठहरूको दर्शन गराइने कार्यक्रम रहेको छ । बन्दीपुरमा सिद्देश्वर महादेव, खड्गदेवी मन्दिर, बिन्दबासिनी मन्दिर, तीनधारे ज्योतिर्लिङ, सन्तानेश्वर महादेव, चामुण्डादेवी माई, थानीमाई मन्दिर, पुरानकोट देवीलगायतका मातृशक्तिरूपी देवीहरू रहेका छन् । सबै माझ यिनीहरूको महिमा एवं शक्तिबारे परिचित गराउने कार्यक्रम समेत रहेको आयोजकले जनाएको छ ।
उत्सवमा १० हजार बढी सांस्कृतिक पर्यटकहरू भित्र्याउने उद्देश्य राखिएको छ । बन्दीपुरमा क्रियाशील सबै सङ्घसंस्थाहरूको सहकार्य र ‘बन्दीपुर तीज सप्ताह उत्सव’ आयोजक समितिको आयोजनामा यस प्रकारको भव्य कार्यक्रम घोषणा गरिएको समितिका संयोजक किरण पोखरेलले बताए । चन्द्र निर्माण सेवा प्रालि पोखरा मुख्य प्रायोजक, डिजाइन स्टेसन प्रालि काठमाडौं सहप्रायोजक रहने यस कार्यक्रममा दर्जनभन्दा बढी संघसंस्थाहरूले विभिन्न विधाको लागि प्रायोजन गर्ने समेत घोषणा गरेका छन् । उत्सव कार्यक्रम सात सय वर्षभन्दा लामो धार्मिक एवं प्राचीन मन्दिर ‘माँखड्गदेवी मन्दिर’ प्राङ्गणमा हुने आयोजकले बताएको छ ।
आयोजकका अनुसार तीज गीत प्रतियोगिताको लागि कम्तीमा ३० टिमले सहभागी जनाउनेछन् भने चर्चित कलाकारहरूले बेजोड सांस्कृतिक प्रस्तुति दिँदै बन्दीपुरलाई गुन्जाउने छन् । तीज गीत प्रतियोगिताको विजेता प्रथम टिमलाई एक लाख एक हजार रुपैयाँको नगद पुरस्कार र प्रमाणपत्र प्रदान गरिनेछ । यस्तै द्वितीयलाई ७५ हजार रुपैयाँ र प्रमाणपत्र, तृतीयलाई ५० हजार रुपैयाँ र प्रमाणपत्र प्रदान गरिनेछ भजे अन्यलाई २५ हजार रुपैयाँ र प्रमाणपत्रको पुरस्कारले सम्मान गरिने जनाइएको छ । यस अवसरमा बन्दीपुर केबलकारले केबलकारको सवारीमा सांस्कृतिक पर्यटकहरूको लागि विशेष छुट समेत घोषणा गरिएको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- फोहोरमैला व्यवस्थापन गर्न ढिलाइ नगरौँ: उपप्रधानमन्त्री सिंह
- सुनको मूल्य आज एक लाख ६७ हजार दुई सय कायम
- ‘सबैको पहुँचमा शुद्ध र स्वच्छ खानेपानी सेवा पुर्याउनु सरकारको प्रमुख दायित्व’
- आज प्रधानमन्त्री ओलीले राष्ट्रिय गौरवका आयोजनाहरूको अवस्था बारे जानकारी लिने
- एकीकृत समाजवादीले नेताहरूको जिम्मेवारीको टुङ्गो लगायो
- सभामुख घिमिरेद्वारा कम्बोडियन समकक्षीसँग भेट
- एक सय ११ मुलुकसँग व्यापार घाटा
- बैंकहरूको निक्षेप खाता पाँच करोड ६९ लाख
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया