काठमाडौं । मोरङ उद्योग व्यापार संघको महिला उद्यमी समितिले विराटनगरमा ‘नारी उत्सव २०८१’ प्रदर्शनी गर्ने भएको छ । हरितालिका तीजको अवसरमा भदौ १४ देखि १६ गतेसम्म विराटनगरमा सो प्रदर्शनी आयोजना गरिने भएको हो ।
संघले आइतबार पत्रकार सम्मेलनको आयोजना गरी कोशी प्रदेश सरकार र विराटनगर महानगरपालिको सहकार्यमा तीन दिने प्रदर्शनी आयोजना गर्न लागिएको जानकारी दिएको हो । प्रदर्शनीमा महिलाहरूको घरायसी उत्पादनलाई प्रत्यक्षरूपमा बजारमा ल्याई आफ्नो सक्षमता झल्काउने र आत्मविश्वास बढाउने अवसर प्रदान गर्ने संघका अध्यक्ष अनुपम राठीले बताए । साथै, उनीहरूलाई बजारीकरणमा मद्दत पुर्याउने, सक्षमता दर्शाउने एवं आत्मनिर्भर बनाउने उद्देश्य लिएको उनले जानकारी दिए । उत्सवमा सबै प्रकारका स्थानीय औद्योगिक÷व्यावसायिक उत्पादनहरू समेत प्रदर्शन गर्ने अवसर प्रदान गरिने राठीले बताए ।
स्थानीय बजारको प्रवर्द्धनका लागि जोड दिने, निर्यातयोग्य वस्तुहरूको पहिचान गरी अवसर सिर्जना गर्न मद्दत पुर्याउने, उत्पादनकर्ता र उपभोक्ताबीचको सम्बन्ध विस्तार गर्नेलगायतका गतिविधिहरू गराई स्थानीय आर्थिक विकासमा योगदान पुर्याउने प्रदर्शनीको तत्कालीन लक्ष्य रहेको छ । साथै, उद्योग, व्यापार, शिक्षा, स्वास्थ्य, कृषि, पर्यटनलगायत विभिन्न क्षेत्रमा संलग्न महिला उद्यमीहरूको प्रवर्द्धन एवं उत्थान गर्ने दीर्घकालीन र मध्यकालीन लक्ष्य समेत लिएको संघको महिला उद्यम समितिकी संयोजक श्रुति शर्माले जानकारी दिइन् ।
उनका अनुसार बिहान १० बजेदेखि बेलुकी ८ बजेसम्म हुने नारी उत्सवमा दर्शकहरूलाई निःशुल्क प्रवेशको व्यवस्था रहने छ । साथै, उत्सवमा उत्पादनहरू प्रदर्शनीका लागि एसी र ननएसी गरी करिब ६० वटा स्टलहरू राखिने शर्माले बताइन् । त्यस्तै, उत्सवमा अठार वर्षमाथिका महिलाहरूका लागि तीज क्विन २०८१ प्रतियोगिताको समेत आयोजना गरिने भएको छ । साथै, प्रत्येक दिन बेलुका विभिन्न स्थानीय कलाकारहरूबाट सांगीतिक कार्यक्रम आयोजना गरिने जनाइएको छ । उत्सवमा विभिन्न रचनात्मक र मनोरञ्जनात्मक कार्यक्रमहरू समावेश गरिएका छन् ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- कालीगण्डकी करिडोरले मुक्तिनाथ र लुम्बिनी जोड्दै
- देशका अधिकांश भागमा पश्चिमी वायुको प्रभाव यथावत
- आजको लागि विदेशी मुद्राको विनिमय दर
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया