भलिबल टिम काठमाडौं स्पाइकर्सको लोगो सार्वजनिक

काठमाडौं । राजधानी काठमाडौंको भलिबल टिम काठमाडौं स्पाइकर्सले आफ्नो आकर्षक लोगो सार्वजनिक गरेको छ । काठमाडौं सहरको समृद्ध संस्कृति र आफ्नो सफलताको बलियो चाहना समेट्ने चिन्हको रूपमा टिमको लोगो सार्वजनिक गरेको हो ।

एभरेस्ट वुमेन्स भलिबल लिगको फ्रन्चाइजी टीमको रूपमा रहेको काठमाडौं स्पाइकर्सले देशका महिला खेलाडीहरूलाई प्रेरणा दिने जनाइएको छ । शरद कुमार टिबरेवालाको स्वामित्वमा रहेको काठमाडौं स्पाइकर्सले खेलकुदमा नेपाली महिलाहरूको सहभागितालाई बढाउने र खेलस्तरलाई अझै माथि उठाउने लक्ष्य राखेको छ । लोगो सार्वजनिक गर्ने क्रममा काठमाडौं स्पाइकर्सकी सीईओ सुदीक्षा अधिकारीले भलिबल राष्ट्रिय खेल मात्र नभई हाम्रो एकता र बलको चिह्न रहेको बताइन् । काठमाडौंको प्रतिनिधित्व गर्दै एभरेस्ट वुमेन्स भलिबल लिगमा आफ्नो छाप छोड्न तयार रहेको उनले जानकारी दिइन् ।

सार्वजनिक गरिएको नयाँ लोगोमा काठमाडौं सहरको समृद्ध संस्कृतिलाई बुझाउने गोल्डेन, सिल्भर र कालो रंगको आकर्षक संयोजन गरिएको छ । लोगोको केन्द्रमा रहेको मन्दिरले सहरको आध्यात्मिक मूल र यसको गहिरो सांस्कृतिक विशेषतालाई प्रतिनिधित्व गर्छ । मन्दिरको छेउमा मिड–स्पाइकमा रहेकी भलिबल खेलाडीलाई चित्रण गरिएको छ । परम्परा र खेलाडीको कलाको यो मिश्रणले काठमाडौं र काठमाडौं स्पाइकर्स दुवैको भावना समेट्दै लोगोलाई टिमको वास्तविक पहिचानरूपमा उभ्याएको छ । एभरेस्ट वुमन्स भलिबल लिगमा डेब्युको तयारीमा रहेको काठमाडौं स्पाइकर्सले यस यात्रामा आफूलाई हौसला प्रदान गर्न सबै नेपालीलाई आग्रह गरेको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments