हिउँ चितुवा र याकको संरक्षणका लागि मनाङमा मैत्रीपूर्ण फुटबल आयोजना हुने
काठमाडौं । हिउँ चितुवा र याकको संरक्षण तथा दिगो पर्यटन प्रवर्द्धन गर्ने उद्देश्यले हिमालपारिको जिल्ला मनाङमा मैत्रीपूर्ण फुटबल आयोजना हुने भएको छ । आयोजकले राजधानीमा पत्रकार सम्मेलनको आयोजना गरी असोज ३ देखि ७ गतेसम्म दोस्रो मैत्रीपूर्ण फुटबल आयोजना हुन लागेको जानकारी दिएको हो ।
जैविक विविधता संरक्षण समाज नेपाल (बायोकोस) नेपाल र आन्ट फाउन्डेसनको संयुक्त आयोजना तथा चामे गाउँपालिका र मनाङ ङिस्याङ गाउँपालिको सहकार्यमा मैत्रीपूर्ण फुटबल आयोजना गर्न लागिएको हो । हिउँ चितुवाले हिमालको पारिस्थितिक प्रणालीलाई सन्तुलन राख्न महत्वपूर्ण भूमिका खेल्ने गरेको छ । हिँउ चितुवा र यसको वासस्थान जलवायु परिवर्तनको असर मापन गर्ने सूचक पनि भएकाले यसको संरक्षणका लागि जनचेतना अभिवृद्धि गर्न कार्यक्रम आयोजना गर्न लागिएको बाइकोस नेपालका संस्थापक डा.पारसविक्रम सिंहले जानकारी दिए । संस्थाले गतवर्ष भदौ २५ देखि २७ गतेसम्म मनाङका विभिन्न तीन स्थानमा मैत्रीपूर्ण फुटबल आयोजना गरेको थियो ।
समूह सतहबाट २६ सय मिटर उचाइमा रहेको तिमाङ र ३२ सय मिटर उचाइमा रहेको मुङ्जी फुटबल मैदानमा सेलिब्रेटी टिम हिमालयन स्नो लिवपर्ड, स्थानीय खेलाडी टिम कान्जिसरा याक र मनाङ ङिस्याङ याकबीच मैत्रीपूर्ण फुटबल खेल हुनेछ । नेपाली राष्ट्रिय टोलीका पूर्वस्ट्राइकर अनिल गुरुङले मनाङलाई हाइ अल्टिच्युट टेनिङ सेन्टरको हबको रूपमा विकास गर्न सकिने सम्भावना रहेको बताए । पत्रकार सम्मेलनमा फुटबल टिमका टोलीको जर्सी पनि सार्वजनिक गरिएको थियो ।
क्याटेगोरी : खेलकुद
ट्याग : #page 3
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया