मिस्टर एन्ड मिस लियो आयोजना हुँदै

काठमाडौं । बहु–डिस्ट्रिक्ट काउन्सिल नेपालले ‘मिस्टर एन्ड मिस लियो २०२४’ कार्यक्रम आयोजना गर्ने भएको छ । आयोजकले पत्रकार सम्मेलन गरी आगामी अक्टोबर ५ मा सो कार्यक्रम आयोजना गरिने जानकारी दिएको हो ।

आयोजकका अनुसार सो प्रतियोगितात्मक कार्यक्रममा १५ वटा डिस्ट्रिक्ट काउन्सिलहरूले सहभागिता जनाउने छन् । प्रतियोगिता काठमाडौंको बुढानीलकण्ठस्थित लेमन ट्री प्रिमियरमा आयोजना हुनेछ जसमा प्रत्येक डिस्ट्रिक्टबाट एक पुरुष र एक महिला गरी दुई जना सहभागीले प्रतिनिधित्व गर्नेछन् । कार्यक्रमका समन्वयक इन्जिनियर मनिष अर्यालका अनुसार प्रतियोगितामा विजयी हुने पुरुष र महिला दुवैलाई ५० हजार नगद पुरस्कार प्रदान गरिनेछ भने दोस्रो र तेस्रो स्थान हासिल गर्नेलाई क्रमशः २० हजार र १० हजार नगद पुरस्कार दिइनेछ । यस कार्यक्रममा भाग लिन इच्छुक व्यक्तिहरूले पाँच हजार रुपैयाँ शुल्क तिर्नुपर्नेछ ।

आयोजकका अनुसार प्रतियोगिताको तयारी स्वरूप १५ दिने प्रशिक्षण कार्यक्रम आयोजना गरिनेछ । यस क्रममा नेतृत्व विकास, आत्म–संवर्द्धन, र्याम्प वाक, पोर्टफोलियो निर्माणलगायतका विभिन्न तालिमहरू दिइनेछ । प्रशिक्षण कार्यक्रम सेप्टेम्बर १५ पछि सर्वनाम थिएटरमा आयोजना हुनेछ । एक वर्ष लियोको सदस्यता लिएका १८ देखि ३१ वर्षका लियो सदस्यहरूले कार्यक्रममा सहभागिता जनाउन सक्ने बताइएको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments