बैंक तथा वित्तीय संस्थाहरुले मार्जिन प्रकृतिको सेयर धितो कर्जा प्रवाह बढाएका छन् । चालू आर्थिक वर्षको सुरुदेखि नै सेयर बजार उकालो लाग्न थालेपछि बैंकहरुले पनि मार्जिन लोन बढाएका हुन् ।राष्ट्र बैंकका अनुसार साउन महिनासम्ममा सञ्चालनमा ५४ वटा बैंक तथा वित्तीय संस्थाहरुले मार्जिन लेन्डिङ शीर्षकमा ९१ अर्ब ४४ करोड ३० लाख रुपैयाँ कर्जा लगानी गरेका छन् । यस अवधिमा बैंकिङ क्षेत्रको कुल निक्षेप ६४ खर्ब ४६ अर्ब ८२ करोड ६० लाख रुपैयाँ र कर्जा प्रवाह ५१ खर्ब ६५ करोड १३ लाख ४० हजार रुपैयाँ छ । बैंक तथा वित्तीय संस्थाले गत वर्ष साउन महिनाको तुलनामा १४ अर्ब तीन करोड रुपैयाँ बढी मार्जिन प्रकृतिको कर्जा प्रवाह गरेका छन् ।
गत वर्ष साउनसम्म बैंक तथा वित्तीय संस्थाहरुले ५६ खर्ब ११ अर्ब ५९ करोड ६० लाख रुपैयाँ निक्षेप सङ्कलन गरी ४८ खर्ब ५७ अर्ब १३ करोड ४० लाख रुपैयाँ कर्जा प्रवाह गरेका थिए । त्यसमा मार्जिन प्रकृतिको कर्जा ७६ अर्ब ४१ करोड ३० लाख रुपैयाँ थियो ।वाणिज्य बैंकहरुले गत साउनमा मात्र ५७ खर्ब १८ अर्ब १८ करोड ७० लाख रुपैयाँ निक्षेप सङ्कलन गरी ४५ खर्ब ६५ अर्ब ३३ करोड ९० लाख रुपैयाँ कर्जा प्रवाह गरेका छन् । यसमध्ये मार्जिन प्रकृतिको कर्जा ७१ अर्ब ६९ करोड ३० लाख रुपैयाँ छ ।
जुन कर्जा गत आर्थिक वर्षको साउन महिनाको तुलनामा १२ अर्ब ७९ करोड १० लाख रुपैयाँ बढी हो । गत वर्ष साउनसम्म वाणिज्य बैंकहरुले ४९ खर्ब ३९ अर्ब ३२ करोड ८० लाख रुपैैयाँ निक्षेप सङ्कलन गरी ४२ खर्ब ९४ करोड ७५ लाख ३० हजार रुपैयाँ कर्जा प्रवाह गरेका थिए । जसमा मार्जिन प्रकृतिको कर्जा ५८ अर्ब ९० करोड २० लाख रुपैयाँ थियो ।
विकास बैंकहरुले चालू आर्थिक वर्षको पहिलो महिना साउनसम्म कुल पाँच खर्ब ९८ अर्ब ७४ करोड ७० लाख रुपैयाँ निक्षेप सङ्कलन गरी चार खर्ब ९९ अर्ब ४९ करोड ७० लाख रुपैयाँ कर्जा प्रवाह गरेका छन् । जसमा मार्जिन प्रकृतिको कर्जा १५ अर्ब ६८ करोड २० लाख रुपैयाँ छ । जुन गत वर्ष साउनसम्मको तुलनामा एक अर्ब ८२ करोड ५० लाख रुपैयाँ बढी हो । गतवर्ष साउनसम्म विकास बैंकहरुले पाँच खर्ब ६१ अर्ब ५९ करोड रुपैयाँ निक्षेप सङकलन गरी चार खर्ब ६९ अर्ब ५७ करोड रुपैयाँ कर्जा प्रवाह गरेका थिए । जसमध्ये मार्जिन प्रकृतिको कर्जा १३ अर्ब ८५ करोड ७० लाख रुपैयाँ थियो ।
फाइनान्स कम्पनीहरुले भने चालू आर्थिक वर्षको पहिलो एक महिनासम्म एक खर्ब २९ अर्ब ८९ करोड ३० लाख रुपैयाँ निक्ष्ोप सङ्कलन गरी एक खर्ब २९ करोड ७० लाख रुपैयाँ कर्जा प्रवाह गरेका छन् । यसमध्ये मार्जिन प्रकृतिको कर्जा चार अर्ब छ करोड ८० लाख रुपैयाँ छ । जुन गतवर्ष साउन महिनाको तुलनामा ४१ करोड ३० लाख रुपैयाँ बढी हो । गत वर्ष साउनसम्म फाइनान्स कम्पनीहरुले कुल एक खर्ब १० अर्ब ६७ करोड ८० लाख रुपैयाँ निक्षेप सङ्कलन गरी ९२ अर्ब ८१ करोड रुपैयाँ कर्जा प्रवाह गरेका थिए भने मार्जिन लेन्डिङ शीर्षकमा तीन अर्ब ६५ करोड ५० लाख रुपैयाँ कर्जा प्रवाह गरेका थिए ।
क्याटेगोरी : समाचार
ट्याग : #Page 1
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया