विराटनगर । भारतबाट उत्पादन हुुँदै आएको एमडीएच मसलाको कारोबारमा गर्दै विराटनगरको श्रीकृष्ण ट्रेडर्सका सञ्चालकले नयाँ कारोबार सुरु गरेका छन् । सरकारले एमडीएच मसलाको व्यावसायिक कारोबारमा प्रतिबन्ध लगाएपछि सो फर्मका सँचालकले कारोवार नै परिवर्तन गरेका हुन् ।
सो फर्मका मुख्य सञ्चालक अरुण नौलखाले पछिल्लो समय विराट हेल्थ फुड प्रोडक्टका विभिन्न उत्पादनहरू बजार पठाउने गरेका छन् । विराट हेल्थले फापरको पिठो, लिटो, चनाको सातुु र जहुको पिठो समेत उत्पादन गर्ने गरेको छ । स्रोतका अनुसार आन्तरिक राजस्व कार्यालय विराटनगरमा मूल्य अभिवृद्धि करसहित आयकर समेतमा ३०५७००३९३ नम्बरबाट २०६८ सालमा नै दर्ता कायम भएको श्रीकृष्ण ट्रेडर्सले वार्षिक ११ करोडभन्दा बढीको कारोबार गर्ने गरेको थियो । तर सो कम्पनीले कारोबार भने न्यून देखाएर राजस्व छली गर्ने गरेका कारण उसको व्यावसायिक कारोबारमाथि नै धेरै पटक अनुसन्धान भएको खुलेको छ ।
उक्त फर्मको सञ्चालकमा सारिका जैनको नाम दर्ता कायम गरिएको रेकर्ड देखिए पनि सो फर्मको सम्पूर्ण कारोबार र बजार व्यवस्थापनको जिम्मेवारी अरुण नौलखाले गर्दै आएका छन् । भारतीय ब्रान्डको उक्त मसला नेपालमा आयात गरी कारोबार गर्दै आएका नौलखालाई भारतीय मसला आयातमा सरकारले प्रतिबन्ध लगापछि भने केही राहत भएको बताउन थालिएको छ । किनभने सञ्चालक नौलखालाई केही वर्ष अगाडि राजस्व चुहावट भएको आशंका गर्दै सरोकारवाला निकायबाट व्यापक अनुसन्धान गरी सचेत समेत गराएको थियो ।
तीनै व्यवसायी नौलखाले ठूलो–ठूलो रकममा मसलाको आयात गर्दा नै विशेष गरी मुल्य अभिवृद्धि करमा राजस्व चुहावट गर्ने गरेपछि अनुसन्धानमा पर्ने गरेको स्रोतहरूले बताएका थिए । नौलखाले श्रीकृष्ण ट्रेडर्सको नाममा गरेको कारोबारको विवरण चित्तबुझ्दो नभएपछि आन्तरिक राजस्व कार्यालय विराटनगरले व्यापक अनुसन्धान गरेको कार्यालय उच्च स्रोतहरूले जानकारी दिएका छन् ।
क्याटेगोरी : समाचार, कोशी प्रदेश
ट्याग : #Page 8
ताजा अपडेट
- अध्यक्ष दाहालद्वारा श्रीलङ्काका नवनिर्वाचित राष्ट्रपतिलाई बधाई
- प्रहरी महानिरीक्षक कुँवर मित्रराष्ट्र ग्रीस प्रस्थान
- भारतीय प्रधानमन्त्री मोदीले नेपालको भ्रमण गर्ने
- न्युयोर्कमा प्रधानमन्त्री ओली र भारतका प्रधानमन्त्री मोदीबीच भेटवार्ता
- परराष्ट्रमन्त्री डा. राणाद्वारा विभिन्न देशका विदेशमन्त्रीसँग भेटवार्ता
- कुवेतका राजकुमार एवं प्रधानमन्त्री सबाह र प्रधानमन्त्री ओलीबीच भेटवार्ता
- नेपाल–भूटानबीच जनस्तर र व्यापारिकस्तर सम्बन्ध विकासबारे छलफल
- प्रधानमन्त्री ओली र भूटानका प्रधानमन्त्री तोग्बेबीच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया