सुबास बस्नेत
दोलखा, असार १९
दोलखामा थप एक जनामा कोरोना संक्रमण पुष्टि भएको छ । योसँगै दोलखामा कोराना संक्रमितको संख्या पाँच जना पुगेको छ । संक्रमित पाँचमध्ये भने एक जनाको ज्यान गएको छ । स्वास्थ्य कार्यालय दोलखाका अनुसार वैदेशिक रोजगारीबाट आई भीमेश्वर नगरपालिकाको क्वारेन्टाइनमा बसेका एक पुरुषमा बिहीबार कोरोना संक्रमणको पुष्टि भएको हो ।
संक्रमित पुरुषको स्वाब असार १४ गते संकलन गरी काभ्रेस्थित धुलिखेल अस्पताल पठाइएको थियो । बिहीबार पीसीआर विधिबाट गरिएको परीक्षणका क्रममा उनको रिपोर्ट पोजिटिभ आएको स्वास्थ्य कार्यालय दोलखाका प्रमुख विभु कुमार झाले जानकारी दिए ।
त्यसैगरी दोलखामा असार १४ गते गौरीशंकर गाउँपालिकाको क्वारेन्टाइनमा बसेका एक पुरुष र एक महिलामा कोरोना पुष्टि भएको थियो । गत जेठमा कोरोना संक्रमण देखिएकी बैतेश्वर गाउँपालिकाकी एक महिला भने कोरोना संक्रमण मुक्त भइसकेकी छन् । गत जेठ महिनामा नै कोरोना संक्रमण देखिएका भीमेश्वर नगरपालिकाका एक वृद्धको काठमाडौंमा उपचारको क्रममा मृत्यु भएको थियो ।
स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता डाक्टर जागेश्वर गौतमले भने बिहीबार दोलखाका १ महिला र एक पुरुषमा कोरोना संक्रमण पुष्टि भएको जानकारी दिए । तर स्वास्थ्य कार्यालय दोलखाले भने एक पुरुषमा मात्रै संक्रमण पुष्टि भएको र कोरोना पुष्टि भएको भनिएकी महिलाको विषयमा जानकारी लिइरहेको जनाएको छ ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया