भेटायोको दशैं धमाका अफर

काठमाडौं । भेटायोले दशैँ नजिकिँदै गर्दा आफ्नो धमाका अफरहरू घोषणा गर्न गरेको छ । कम्पनीले कुनै पनि तनावविना चाडपर्वहरूको लागि घर तयार गर्न तथा मर्मत गर्न चाहनेहरूको लागि अफरहरू डिजाइन गरेको हो ।

कम्पनीका अनुसार सामान्य मर्मतदेखि सरसफाइ र लुगा धुने र अन्य धेरै कामहरू भेटायोमार्फत सहजै गर्न सकिन्छ । कम्पनीले चाडपर्वहरूको लागि घरको भान्सा मर्मत मात्र एक हजार तीन सय रूपैयाँमा गरिदिने भएको छ । यसअघि कम्पनीले दुई हजार रूपैयाँ लिने गरेको थियो । यस्तै, बाथरूम मर्मत तीन हजार तीन सय ८० रूपैयाँमा गर्ने जनाएको छ । कम्पनीले यसअघि बाथरुम मर्मतको लागि पाँच हजार दुई सय रूपैयाँ लिने गरेको थियो । यसैगरी कम्पनीले ८५ रूपैयाँ प्रतिकिलोमा सामान्य लुगा धुने र पट्याउने सेवाहरू उपलब्ध गराएको छ । यस्तै, डबल सिरकहरू कम्पनीले मात्र चार सय रूपैयाँमा सफा गर्ने सेवा उपलब्ध गराएको छ भने पाँच थानभन्दा बढी अर्डर भएमा निःशुल्क डेलिभरीको व्यवस्था समेत गरिएको कम्पनीले जनाएको छ ।

यस्तै, कम्पनीले घर सफा गर्ने काम पनि सहुलियतमा गर्ने जनाएको छ । कम्पनीले तीन हजार रूपैयाँमा घर सफा गर्ने अफर ल्याएको छ भने न्यूनतम पाँच सिटको सोफा चार सय रूपैयाँमा सफा गरिदिने जनाएको छ । यसैगरी अफरमा भान्साको सरसफाइ बुक गर्दा, निःशुल्क चिम्नीको सरसफाइ सित्तैमा पाइने जनाइएको छ । साथै, कम्पनीले एयर कन्डिसनरहरू सफाइमा पनि विशेष छुटको घोषणा गरेको छ । अब भेटायो एपमार्फत दशैँको लागि आफ्नो घरको तयारी गर्न सजिलो हुने भएको कम्पनीको दाबी छ । भेटायोले घर मर्मत गर्ने कार्यदेखि प्लम्बिङ, विद्युतीय काम, सिकर्मी, कीट नियन्त्रण, सरसफाइजस्ता सेवाहरू दिने गरेको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments