बुटवल । सशस्त्र प्रहरीले पछिल्लो साढे दुई महिनामा दुई करोड ५८ लाख रुपैयाँको अवैध सामान बरामद गरेको छ । सशस्त्र प्रहरी बल नेपाल नं. २७ गण हेडक्वार्टर, रुपन्देहीले भारतबाट नेपालमा अवैधरूपमा चोरी निकासी गरी ल्याइएको विभिन्न मालसमानहरू बरामद गरी आवश्यक कारबाहीको लागि भैरहवा भन्सार कार्यालय पठाएको जनाएको छ ।
सशस्त्र प्रहरी बल नेपाल नं. २७ गण हेडक्वाटरका गणपति तथा सशस्त्र प्रहरी उपरीक्षक आनन्द थापाले गण र सो मातहतमा रहेका अन्य कार्यालयहरूको सक्रियतामा अवैध सामानहरू बरामद गरी भन्सार कार्यालय बेलहिया पठाएको बताए । उनका अनुसार आर्थिक वर्ष २०७८/७९ मा एक करोड ८७ लाख ८२ हजार रुपैयाँ र आर्थिक वर्ष २०७९/८० मा आठ करोड ५४ लाख ६६ हजार एक सय ३३ रुपैयाँ बराबरको अवैध सामान बरामद गरेको थियो । यस्तै, गत आर्थिक वर्ष २०८०/८१ मा गणले नौ करोड २८ लाख ७८ हजार सात सय २९ रुपैयाँ बराबरको अवैध सामान बरामद गरेको उनले जानकारी दिए ।
कार्यालयले चालू आर्थिक वर्षमा साउनमा ६२ लाख ४९ हजार रुपैयाँ, भदौमा एक करोड तीन लाख ३२ हजार रुपैयाँ र चालू महिना आश्विनको १५ गतेसम्म ९३ लाख सात हजार रुपैयाँ बराबरको अवैध मालसमान बरामद गरेको हो । वर्षेनि अवैध मालसमान ओसाप्रसारमा वृद्धि हुँदै गएको छ । वर्षायाममा नदीनालाहरू बढ्ने र तर्न सक्ने अवस्था कम हुने हुँदा सीमित ठाउँबाट चोरी निकासी हुँदा लगभग सबै क्षेत्रहरूमा हेर्न सक्ने अवस्था भए पनि खुला सीमानाका कारण हिउँदमा भने अझ बढी चोरी निकासी हुने गरेको सशस्त्र प्रहरीले जनाएको छ । अवैध चोरी निकासी रोक्नका लागि सुरक्षा निकायजस्तै आमनागरिक पनि सक्रिय हुनुपर्ने सशस्त्र प्रहरी उपरीक्षक थापा बताउँछन् ।
क्याटेगोरी : समाचार, सुरक्षा अपराध
ट्याग : #Page 8
ताजा अपडेट
- पाँचखाल नगरप्रमुख खरेलद्वारा तीन वर्षको तलबभत्ता राहत कोषमा सहयोग गर्ने
- जसपा नेपालले पायो अन्तर्राष्ट्रिय सङ्गठन प्रोग्रेसिव अलान्सको सदस्यता
- दसैँ सुरु भएसँगै मानुङकोटमा पर्यटकको चहलपहल
- इरानमाथि आक्रमण गर्ने इजरायलको चेतावनी
- मार्क जुकरबर्ग बने विश्वको दोस्रो धनी व्यक्ति
- हुन्डाई मोटरद्वारा १० करोड सवारीसाधन उत्पादन
- एक दिनमा लगभग एक हजार आप्रवासी बेलायत प्रवेश
- हेटौडा फाखेल हुदै काठमाण्डौ जोडने बैकल्पिक छोटो मार्ग संचालनमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया