बैंकहरूले दुई महिनामा कमाए १७ अर्ब ६९ करोड
काठमाडौं । वाणिज्य बैंकहरूले १७ अर्ब ६९ करोड २१ लाख १० हजार रुपैयाँ नाफा कमाएका छन् । नेपाल राष्ट्र बैंकका अनुसार चालू आर्थिक वर्षको दुई महिना (साउन र भदौ)मा २० वटा वाणिज्य बैंकहरूको नाफा गत आर्थिक वर्षको सोही अवधिको तुलनामा छ दशमलव २७ प्रतिशत बढेको छ । गत आर्थिक वर्षको पहिलो दुई महिनामा वाणिज्य बैंकहरूको नाफा १६ अर्ब ६४ करोड ८६ लाख ९० हजार रुपैयाँ थियो ।
राष्ट्र बैंकका अनुुसार यस वर्ष दुई महिनामा सबैभन्दा धेरै नाफा नबिल बैंकले कमाएको छ । यस अवधिमा नबिलको नाफा एक अर्ब ६६ करोड आठ लाख ९० हजार रुपैयाँ छ । गत आर्थिक वर्षको सोही अवधिमा नबिलको यस्तो नाफा एक अर्ब ५६ करोड ४५ लाख ५० हजार रुपैयाँ थियो । धेरै नाफा कमाउने बैंकहरूको सूचीको दोस्रो स्थानमा ग्लोबल आईएमई बैंक छ ।
ग्लोबलले एक अर्ब ५६ करोड ६१ लाख १० हजार रुपैयाँ नाफा कमाएको छ । एक वर्षअघि ग्लोबलको नाफा एक अर्ब ७५ करोड ५८ लाख ६० हजार रुपैयाँ थियो । नेपाल इन्भेष्टमेन्ट मेगा बैंक लिमिटेडले पनि एक अर्ब ४१ करोड २८ लाख ९० हजार रुपैयाँ नाफा कमाएको छ । गत आर्थिक वर्षको सोही अवधिमा एक अर्ब ४८ करोड ६५ लाख ७० हजार रुपैयाँ नाफा कमाएको थियो । यसैगरी हिमालयन बैंकले पनि गत साउन र भदौमा एक अर्ब १६ करोड ८१ लाख ७० हजार रुपैयाँ नाफा कमाएको छ । गत आर्थिक वर्षको सोही अवधिमा हिमालयनले एक अर्ब २३ करोड २४ लाख ८० हजार रुपैयाँ कमाएको थियो । कुमारी बैंकले पनि चालू आर्थिक वर्षको पछिल्लो अवधिमा एक अर्ब आठ करोड ५० लाख आठ हजार रुपैयाँ खुद मुनाफा कमाएको छ । गत आर्थिक वर्षको सोही अवधिमा कुमारीको यस्तो नाफा एक अर्ब १४ करोड ५३ लाख २० हजार रुपैयाँ थियो ।
राष्ट्र बैंकका अनुसार यी पाँचवटाबाहेक अन्य वाणिज्य बैंकहरूको नाफा भने एक अर्ब रुपैयाँभन्दा तल रहेको छ । नेपाल बैंकको नाफा ६७ करोड ८२ लाख २० हजार रुपैयाँ छ । राष्ट्रिय वाणिज्य बैंकले ८८ करोड ३० लाख रुपैयाँ कमाएको छ । गत आर्थिक वर्षको पहिलो दुई महिनामा नेपाल बैंकले ७० करोड ७१ लाख ४० हजार रुपैयाँ र राष्ट्रिय वाणिज्य बैंकले ८७ करोड पाँच लाख १० हजार रुपैयाँ कमाएकोे थियो । चालू आर्थिक वर्षको भदौ मसान्तसम्म स्टान्डर्ड चार्टर्ड र नेपाल एसबीआई बैंकले क्रमशः ६० करोड ६२ लाख ९० हजार र ५३ करोड ३९ लाख ३० हजार रुपैयाँ खुद मुनाफा कमाएका छन् । गत आर्थिक वर्षको सोही अवधिमा यी बैंकहरूको यस्तो नाफा क्रमशः ४८ करोड ४५ लाख २० हजार र २७ करोड २९ लाख ७० हजार रुपैयाँ थियो ।
एभरेष्ट बैंक, एनआईसी एसिया र माछापुच्छ्रे बैंकले क्रमशः ८२ करोड ५५ लाख ४० हजार, ५७ करोड ७५ लाख ८० हजार र ३९ करोड २४ लाख ७० हजार रुपैयाँ नाफा कमाएका छन् । गत आर्थिक वर्षको सोही अवधिमा यी तीनवटा बैंकहरूको नाफा क्रमशः ७१ करोड २५ लाख ९० हजार, ८० करोड पाँच लाख ५० हजार र ३७ करोड ६३ लाख ८० हजार रुपैयाँ थियो । लक्ष्मी सनराइज, सिद्धार्थ र कृषि विकास बैंकले चालू आर्थिक वर्षको पछिल्लो दुई महिनामा क्रमशः ८६ करोड ४६ लाख, ६० करोड ५६ लाख ७० हजार र ८८ करोड ७० लाख आठ हजार रुपैयाँ नाफा कमाएका छन् । गत आर्थिक वर्षको सोही अवधिमा भने यी बैंकहरूको यस्तो नाफा क्रमशः ८१ करोड ४० लाख नौ हजार, ५८ करोड ६५ लाख ८० हजार र ६१ करोड ५६ लाख ३० हजार रुपैयाँ थियो ।
सिटिजन्स बैंक इन्टरनेसनल, प्राइम कमर्सियल र एनएमबी बैंकले क्रमशः ५८ करोड ९८ लाख ६० हजार, ९७ करोड ४६ लाख ९० हजार र ७८ करोड दुई लाख १० हजार रुपैयाँ नाफा कमाएका छन् । गत आर्थिक वर्षको सोही अवधिमा यी बैंकहरूले क्रमशः ४४ करोड ३१ लाख ७० हजार, ६३ करोड ६५ लाख ५० हजार र ७६ करोड ७० लाख तीन हजार रुपैयाँ कमाएका थिए । प्रभु र सानिमा बैंकले पनि चालू आर्थिक वर्षको पछिल्लो दुई महिनामा क्रमशः ९१ करोड ३२ लाख ५० हजार र ६८ करोड ९२ लाख ८० हजार रुपैयाँ नाफा कमाएका छन् । गत आर्थिक वर्षको सोही अवधिमा भने प्रभु बैंकले ६६ करोड ४१ लाख ७० हजार रुपैयाँ नाफा कमाउँदा सानिमा बैंकले ५१ करोड २० लाख नौ हजार रुपैयाँ नाफा कमाएको छ ।
क्याटेगोरी : बैंक बित्त बजार
ट्याग : #Page 1
ताजा अपडेट
- सिंगापुरका लगानीकर्ता र नेपाल चेम्बरबीच समझदारी
- पञ्चकन्या स्टिललाई ग्रिन–प्रो प्रमाणपत्र
- सामसुङको ग्यालेक्सी एस२४ एफई सार्वजनिक
- नेपाल बीमा प्राधिकरण र स्कुल अफ म्याथमेटिकल साइन्सबीच सम्झौता
- ग्लोबल आइएमई बैंक र अस्ट्रियाको युनिभर्सिटी अफ इन्ज्ब्रकबीच सम्झौता
- राष्ट्र बैंकद्वारा आशा लघुवित्तको लाभांश स्वीकृत
- नेपाल इन्भेस्टमेन्ट मेगा बैंकका ग्राहकलाई ‘हार्ड रक क्याफे’मा छुट
- बीएफआईएन र अन्तर्राष्ट्रिय प्रशिक्षण तथा अनुसन्धान संस्थाबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया