दोलखाका ११ हजार बालबालिकालाई भिटामिन ‘ए’ र जुकाको औषधि
सुबास बस्नेत २०८१, कात्तिक ४ ११:११ 
दोलखा । जनस्वास्थ्य कार्यालय दोलखाले यस वर्ष जिल्लाका करिब ११ हजार बालबालिकाहरूलाई भिटामिन ‘ए’ र जुकाको औषधि खुवाएको छ । जनस्वास्थ्य कार्यालय दोलखाले कात्तिक २ र ३ गते राष्ट्रिय पोषण कार्यक्रमअन्तर्गत छ महिनादेखि पाँच वर्ष मुनिका बालबालिकालाई भिटामिन ‘ए’ क्याप्सुल र एक वर्षदेखि पाँच वर्षमुनिका बालबालिकालाई जुकाको औषधि दिएको जनस्वास्थ्य कार्यालय दोलखाकी जनस्वास्थ्य अधिकृत मनिषा महर्जनले जानकारी दिइन् ।
उनका अनुसार करिब ११ हजार बालबालिकालाई भिटामिन ‘ए’ र ९ हजार बालबालिकालाई जुकाको औषधि खुवाइएको हो । कार्यालयले जिल्लाका स्थानीय तह तथा वडाको समन्वयमा स्वास्थ्यचौकी, सामुदायिक स्वास्थ्य इकाई, विद्यालय, वडा कार्यालयमा स्वास्थ्यकर्मी, स्वास्थ्य स्वयंसेविकालाई परिचालन गरेर भिटामिन ‘ए’ र जुकाको औषधि खुवाइएको जनस्वास्थ्य अधिकृत महर्जनले जानकारी दिइन् । कार्यालयले सबैभन्दा बढी भीमेश्वर नगरपालिकाभित्रका दुई हजार आठ जना बालबालिकालाई भिटामिन ‘ए’ तथा जुकाको औषधि खुवाएको छ । त्यसैगरी जिरी नगरपालिकामा एक हजार ५४ जना, कालिञ्चोक गाउँपालिकामा एक हजार पाँच सय ३० जना, मेलुङ गाउँपालिका आठ सय २२ जना, शैलुङ गाउँपालिकाका नौ सय ६४ जना, तामाकोशी गाउँपालिकाका आठ सय ६० जना र वैतेश्वर गाउँपालिकाका एक हजार ३५ जना बालबालिकालाई भिटामिन ‘ए’ तथा जुकाको औषधि खुवाएको जनस्वास्थ्य कार्यालय दोलखाले जनाएको छ ।
त्यसैगरी जिल्लाको गौरीशंकर गाउँपालिकामा एक हजार ३२ जना र विगु गाउँपालिकाभित्रका एक हजार एकसय ६१ जना गरी १० हजार सात सय ७७ जना र जिल्ला बाहिर बसोबास गर्ने तर दशैँ मनाउन गाउँ आएका करिब दुई सय ३४ जना बालबालिकालाई पनि भिटामिन ‘ए’ तथा जुकाको औषधि यहीँबाट दिएको कार्यालयले जनाएको छ । राष्ट्रिय खोप कार्यक्रमअन्तर्गत हरेक वर्ष छ महिनादेखि पाँच वर्षमुनिका बालबालिकालाई भिटामिन ‘ए’ क्यापसुल तथा एक वर्षदेखि पाँच वर्षमुनिका बालबालिकालाई जुकाको औषधि खुवाइने गरिएको छ ।
बालबालिकाको सर्वाङ्गीण विकासको लागि खोप र पोषण दुवै अपरिहार्य आवश्यक रहेकोे जनस्वास्थ्य कार्यालय दोलखाले जनाएको छ । कार्यालयले शुक्रबार र शनिबार छुटेका बालबालिकालाई पनि नजिकैको स्वास्थ्यचौकीमार्फत भिटामिन ए तथा जुकाको औषधि खुवाउने समेत जनाएको छ ।
क्याटेगोरी : स्वास्थ्य / जिवनशैली, बागमती प्रदेश
ट्याग : #Page 8
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया