वालिङ । नेपाली सेनाबाट अवकाश प्राप्त गोविन्द पुरीलाई स्याङ्जाको चापाकोटमा भएको बम विस्फोटको घटनामा प्रहरीले पक्राउ गरेको छ । चापाकोट नगरपालिका–४ मल्याङ्कोटमा रहेको पुरीको घरमा शनिवार साँझ सकेट बम विस्फोट भएपछि पुरी आफै सामान्य घाइते भएका थिए । पुरीलाई प्रहरीले पाल्पाको लुम्बिनी मेडिकल कलेजमा उपचार पछि पक्राउ गरेको हो ।
जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक हरि प्रसाद पौडेलले ४५ वर्षीय पुरीको घरबाट ठुलो मात्रमा विस्फोटक पदार्थ भेटिएको जानकारी दिए । पुरीले दुई बर्ष अगाडि सेनाबाट अवकाश लिएका थिए ।
प्रवक्ता पौडेलले विस्फोट नभएको ९ सय ग्राम बारुद, डेटकड २ थान, जंगी राउण्ड १ थान र खाली खोका २ थान पुरीको घरबाट बरामद गरिएको जानकारी दिए । प्रहरीले बम बनाउने बारुद सहित अन्य विस्फोटक पदार्थ अवकाश प्राप्त नेपाली सेना भएका पुरीले कहाँबाट र कुन प्रयोजनका लागि ल्याएको हो भन्ने अनुसन्धान पछि मात्रै खुल्ने जनाएको छ ।
विस्फोटबाट पुरीको तीन तले कच्ची घरमा क्षति पुगेको छ । प्रहरीले विस्फोट भएको घरमा प्रहरी र नेपाली सेनाको विशेष टोलीले अनुसन्धान तथा खोज गरेको जनाएको छ । शनिवार घरको तेस्रो तलाबाट दोस्रो तलामा भाँडाहरू सार्ने क्रममा सकेट बम विस्फोट भएको थियो ।
सुनवलमा बस्दै आएका पुरी दसैँमा टिका लगाउन घरमा आएको परिवारले जनाएको छ । विस्फोट भएको घरमा पुरीका बुवा आमा मात्रै बस्दै आएका थिए । प्रहरीले विस्फोटक पदार्थ आफैले राखेको ठहर भएमा पुरीलाई विस्फोटक पदार्थ सम्बन्धी मुद्दा दर्ता गरी कारबाही अगाडि बढाइने जनाएको छ ।
क्याटेगोरी : समाचार, सुरक्षा अपराध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया