काठमाडौं । निक्षेप सङ्कलन तीव्र बढ्ने तर कर्जा विस्तार न्यून हुने भएपछि बैंकहरुले ब्याजदर घटाउँदै लगेका छन् । कर्जाको ब्याजदर पनि एकल बिन्दुमा झरिसकेको छ ।
राष्ट्र बैंकको तथ्याङ्कअनुसार कर्जाको औसत ब्याजदर साढे नौ प्रतिशतमा झरेको छ । गएको आसारदेखि नै घट्दो क्रममा रहेको कर्जाको ब्याजदर भदौ मसान्तसम्म आइपुग्दा नौ दशमलव ५२ प्रतिशतमा झरेको छ ।
बैंक तथा वित्तीय संस्थामा निक्षेप सङ्कलन उच्च दरमा बढेको तर कर्जा विस्तार सुस्त हुँदा बैंकहरुले ब्याजदर लगातार घटाउँदै लगेका छन् । निक्षेपको ब्याजदर घट्दै गएपछि आधार दर पनि हरेक महिना घट्दै गएको छ । अहिले वाणिज्य बैंकहरुको औसत आधारदर आठ प्रतिशतमा झरेको छ । कर्जाको माग न्यून भएपछि बैंकहरुले प्रिमियम पनि घटाएर ब्याज अफर गरिरहेका छन् । एक वर्षअघि पाँच प्रतिशतसम्म प्रिमियम जोडेर ब्याजदर निर्धारण गर्दै आएका बैंकहरुले अहिले आधारदरमा डेढ दुई प्रतिशत मात्रै जोडेर कर्जा अफर गरिरहेका छन् । यही कारण कर्जाको ब्याजदर सस्तो बन्दै गएको हो ।
२०८० भदौमा कर्जाको औसत ब्याजदर १२ प्रतिशतभन्दा माथि थियो । तर त्यसयता तरलता बढ्दै गएपछि बैंकहरुले ब्याजदर घटाउँदै लगेका छन् । निक्षेपको ब्याजदर घट्दै जाँदा कर्जाको ब्याजदर पनि घट्छ ।
कात्तिक ४ गतेसम्मको तथ्यांकअनुसार बैंक तथा वित्तीय संस्थाहरुको कुल निक्षेप सङ्कलन ६६ खर्ब ३७ अर्ब रुपैयाँ छ । यस अवधिमा बैंकहरुले ५२ खर्ब ६९ अर्ब कर्जा लगानी गरेका छन् । बैंकहरुले सङ्कलन भएको निक्षेपको ९० प्रतिशतसम्म लगानी गर्न पाउँछन् । तर, अहिले ७८ दशमलव शून्य पाँच प्रतिशत मात्रै लगानी भएको छ ।
बैंकहरुसँग अहिले सात खर्ब चार अर्ब रुपैयाँ थप ऋण लगानी गर्न मिल्ने पैसा छ । ठूलो रकम ऋण प्रवाह नभएपछि बैंकहरुले ब्याज लागत घटाउन ब्याजदर घटाउँदै लगेका छन् । ब्याजदर घट्दा ऋण लिनेहरु आकर्षित हुन्छन् र ऋण प्रवाह बढ्छ । तर, अहिले त्यसो हुन सकिरहेको छैन । घरजग्गा क्षेत्र अझै चलायमान बन्न सकेको छैन । उपभोग पनि बढ्न सकोको छैन । यहीकारण कर्जाको माग अझैपनि न्यून छ ।
क्याटेगोरी : बैंक बित्त बजार
ट्याग : #Page 1
ताजा अपडेट
- छ वर्षमा पनि बनेन गजेन्द्रनारायण सिंह अस्पतालको भवन
- जनसभामा जथाभाबी फोहोर गरेको भन्दै महानगरले एमालेलाई तिरायो १ लाख जरिमाना
- देशका अधिकांश भागमा आज मौसम सफा रहने पूर्वानुमान
- यस्तो छ आजका लागि विदेशी मुद्राको विनिमयदर
- विशेष अदालतको फैसलामा चित्त नबुझेको भन्दै आयोगले गर्यो सर्वोच्चमा पुनरावेदन
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया