काठमाडौं,इजरेलले इरानी सैन्य स्थलहरूमा निशानाबद्ध हवाई हमला गरेको जनाएको छ। ती हमलालाई इजरेलले आफूविरुद्ध इरान र उसको साथ पाएका समूहहरूले बारम्बार गरेका हमलाको जबाफ भएको बताएको छ।
इजरेली सेनाले हमलाको काम पूरा भएको जनाउँदै भनेको छ: “हाम्रा विमानहरू सुरक्षित रूपमा घर फर्किएका छन्।”
इजरेली डिफेन्स फोर्सेस आईडीएफका प्रवक्ता ड्यान्यल हेगारीले आफ्नो प्रतिरक्षा गर्ने ‘अधिकार र दायित्व’ इजरेलसामु भएको जनाएका छन्।
तीन साताअघि इरानले इजरेलमा झण्डै दुई सयको सङ्ख्यामा बलिस्टिक क्षेप्यास्त्रहरू प्रहार गरेको थियो।इरानी प्रतिक्रिया र क्षतिको अवस्था
इजरेली हमलासँगै इरानको राजधानी तेहरान र त्यसनजिकका दुई सहरहरूमा विस्फोटनका आवाज सुनिएका थिए।
सुरुमा इजरेलले इरानका सैन्य निशानामा हमला गरेको भनेर गरेको दाबीलाई पछि तेहरानले पुष्टि गरेको देखिन्छ।
इरानको हवाई प्रतिरक्षा फौजले एक विज्ञप्तिमार्फत तेहरान, खुजिस्तान र इलम प्रान्तका सैन्य अखडाहरू हमलामा परेको जनाएका छन्।
ती हमलाहरू सफलतापूर्वक सामना गरिएको तर केही स्थानमा “सीमित क्षति” पुगेको उक्त विज्ञप्तिमा जनाइएको छ।त्यसअघि इरानको रेभुलस्नरी गार्ड्सनिकट एक समाचार संस्थाले इरानको राजधानीको पश्चिम र दक्षिण पश्चिममा रहेका सैन्य आधारहरू निशानामा पारिएको जनाएको थियो।जेरुसलेमस्थित एकजना बीबीसी संवाददाताले इजरेलले आफ्ना हमला परमाणु वा तेल प्रशोधन केन्द्रमा नभई सैन्य निशानामा केन्द्रित गरेको देखिएको जनाएका छन्।
इजरेली हवाई हमलाको निशानामा सिरियाको राजधानी दमास्कससहित देशका मध्य र दक्षिणी क्षेत्रका सैन्य स्थल समेत पारिएको सिरियाको सरकारी समाचार संस्थाले जनाएको छ।
इराकमा समेत राजधानी बग्दादनजिकै विस्फोटनका विवरण आएका छन्।
प्रतिक्रिया
इजरेलले भने इरानबाहिर भएका हमलाका विवरणबारे प्रतिक्रिया जनाएको छैन।
अहिलेसम्मको अवस्थामा इरानी सरकारी सञ्चारमाध्यमले भने आफूविरुद्धका हमला असफल भएको बताएका छन्। तर विज्ञहरूले त्यस्ता हमलापछि त्यो इरानले सामान्यतः दिने प्रतिक्रियाको शैली भएको बताएका छन्।
गम्भीर क्षति वा मृत्युका विवरण सतहमा देखा परेमा त्यो परिवर्तन हुनसक्ने भन्दै विज्ञहरूले सजग गराएका छन्।
ह्वाइटहाउसले इजरेलको ‘आत्मरक्षाको अभ्यास’मा अमेरिकाको कुनै संलग्नता नरहेको जनाएको छ।
यूके सरकारका एकजना प्रवक्ताले लण्डनले “यस अवस्थालाई नजिकबाट हेरिरहेको” जनाएका छन्।
यूकेद्वारा जारी विज्ञप्तिमा भनिएको छ: “हामी इजरेलको आत्मरक्षा र अन्तर्राष्ट्रिय मानवीय कानुन अन्तर्गत रहेर आफ्नो रक्षा गर्ने अधिकारको साथमा छौँ। अवस्था थप चर्काउनु कसैको पनि हितमा छैन।”इरान र इराकमा सबै उडान रद्द
इजरेली हमलाबीच इरानले आफ्ना हवाई क्षेत्र बन्द गरेको त्यहाँको सरकार समाचार संस्था आईआरएनएलाई उद्धृत गर्दै रोयटर्स समाचार संस्थाले जनाएको छ।
इरानको नागरिक उड्डयन निकायका प्रवक्ताले आईआरएनएलाई अर्को सूचना नहुँदासम्म त्यहाँ सबै उडानहरू रद्द गरिएको जनाएका छन्।
इराकमा समेत अर्को सूचना नभएसम्मका लागि “क्षेत्रीय तनावका कारण” सबै विमानस्थलमा, सबै उडानहरू रद्द गरिएको त्यहाँका यातायात मन्त्रीले जनाएको इराकी सरकारी समाचार संस्था आईएनएलाई उद्धृत गर्दै रोयटर्सले जनाएको छ।(बीबीसी)
क्याटेगोरी : समाचार
ताजा अपडेट
- युवा र युवती एकैठाउँमा मृत फेला
- राहदानी विभागको सेवा ठप्प सेवाग्राही आक्रोशित
- प्रतिनिधिसभा सचिव अधिकारीद्वारा राजीनामा
- स्वर्गीय राईप्रति अध्यक्ष दाहालद्वारा श्रद्धाञ्जली अर्पण
- ई–सेवाद्वारा ट्राफिक प्रहरीलाई मोबाइल फोन हस्तान्तरण
- फोहोरमैला व्यवस्थापन गर्न ढिलाइ नगरौँ: उपप्रधानमन्त्री सिंह
- सुनको मूल्य आज एक लाख ६७ हजार दुई सय कायम
- ‘सबैको पहुँचमा शुद्ध र स्वच्छ खानेपानी सेवा पुर्याउनु सरकारको प्रमुख दायित्व’
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया