काठमाडौं । चालू आर्थिक वर्ष २०८१/८२ कोे पहिलो त्रैमासमा जीवन बीमा कम्पनीहरुले ४१ अर्ब बढीको व्यापार गरेका छन् । सञ्चालनमा रहेका १४ वटा जीवन बीमा कम्पनीहरुले असोज मसान्तसम्म ४१ अर्ब आठ करोड एक लाख रुपैयाँबराबर बीमाशुल्क सङ्कलन गरेका छन् ।
बीमा प्राधिकरणले सार्वजनिक गरेको तथ्याङ्कअनुसार जीवन बीमा कम्पनीहरुले प्रथम बीमाशुल्क सात अर्ब ५३ करोड ९५ लाख रुपैयाँ, वैदेशिक रोजगार बीमाशुल्क ६१ करोड ८८ लाख रुपैयाँ र बीमा नवीकरणबापत ३२ अर्ब ९२ करोड १७ लाख रुपैयाँ बीमाशुल्क सङ्कलन गरेका छन् ।
नेपाल लाइफ इन्स्योरेन्सले असोजसम्म सबैभन्दा धेरै ११ अर्ब ९९ करोड १४ लाख रुपैयाँ बीमाशुल्क सङ्कलन गरेको छ । नेपाल लाइफपछि धेरै बीमा शुल्क सङ्कलन गर्ने कम्पनी नेसनल लाइफ छ । नेसनल लाइफलेले चार अर्ब ९० करोड ५० लाख रुपैयाँ बीमाशुल्क सङ्कलन गरेको छ । यसपछि, एलआईसी नेपालले चार अर्ब ५७ लाख ३७ लाख रुपैयाँ बीमाशुल्क आर्जन गरेको छ । हिमालयन लाइफले चार अर्ब ३१ करोड १२ लाख रुपैयाँ कुल बीमाशुल्क आर्जन गरेको छ । यस्तै सूर्यज्योति लाइफ इन्स्योरेन्सले दुई अर्ब ४९ करोड ९३ लाख, एशियन लाइफले दुई अर्ब तीन करोड ६८ लाख, सानिमा रिलायन्स लाइफले एक अर्ब ५७ करोड २२ लाख, प्रभु महालक्ष्मीले एक अर्ब २४ करोड दुई लाख रुपैयाँ बीमाशुल्क संकलन गरेका छन् ।
सबैभन्दा कम बीमाशुल्क आर्जन सन नेपाल लाएफ इन्स्योरेन्सले ९३ करोड २७ लाख रुपैयाँ बीमाशुल्क आर्जन गरेको छ । थोरै बीमाशुल्क आर्जन गर्ने कम्पनीमध्ये दोस्रो स्थानमा रिलायबल नेपाल लाइफ इन्स्योरेन्स छ । यो कम्पनीले एक अर्ब २० करोड ८० लाख रुपैयाँ बीमाशुल्क आर्जन गरेको छ ।
सञ्चालनमा रहेका तीनवटा लघु जीवन बीमा कम्पनीहरुले भने यस वर्षको पहिलो तीन महिनामासम्म २२ करोड १३ लाख रुपैयाँ बीमाशुल्क आर्जन गरेका छन् । सबैभन्दा धेरै व्यवसाय गर्ने गार्डियन माइक्रो लाइफले आठ करोड ७१ लाख रुपैयाँ, क्रेष्ट माइक्रो लाइफले सात करोड ९७ लाख रुपैयाँ र लिवर्टी माइक्रो लाइफले पाँच करोड ४४ लाख रुपैयाँ बीमाशुल्क आर्जन गरेका छन् ।
क्याटेगोरी : बीमा बजार
ट्याग : #Page 1
ताजा अपडेट
- नवीकरणीय ऊर्जा प्रवर्द्धनमा मन्त्री खड्काको जोड
- राष्ट्रिय आरोग्य दिवस तथा धन्वन्तरी जयन्ती बुधबार मनाइने
- पर्यटकीयस्थल हम्पालमा विद्युतीकरण
- ४६ अंकले उक्लियो शेयर बजार, सबै सुचक हरियो
- चौबिस फरार प्रतिवादी पक्राउ
- विपद् प्रभावितलाई लत्ताकपडा वितरण
- विपद् व्यवस्थापनका लागि वातावरणीय र भौगर्भिक अध्ययन हुनुपर्छ: मन्त्री दाहाल
- कृषि वैज्ञानिकलाई बालीमा लाग्ने नयाँ रोग र समस्या पत्ता लगाउन आग्रह
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया