विकास बैंकहरूको निष्क्रिय कर्जा तीन दशमलव ६२ प्रतिशत
पाँच खर्बमध्ये १८ अर्ब २३ करोड निष्क्रिय कर्जा
सुरेश राउत २०८१, कात्तिक १३ १०:५९ 
काठमाडौं । विकास बैंकहरूको निष्क्रिय कर्जा १८ अर्ब २३ करोड रुपैयाँभन्दा बढी छ । राष्ट्र बैंकका अनुसार चालू आर्थिक वर्षको भदौ मसान्तसम्म सञ्चालनमा रहेका १७ वटा विकास बैंकहरूले पाँच खर्ब तीन अर्ब ६५ करोड २० लाख रुपैयाँ कर्जा प्रवाह गरेकोमा औसत तीन दशमलव ६२ प्रतिशत अर्थात् १८ अर्ब २३ करोड २२ लाख दुई हजार चार सय रुपैयाँ निष्क्रिय कर्जा छ ।
जुन गत आर्थिक वर्षको पहिलो त्रैमासको तुलनामा एक दशमलव १३ प्रतिशत अर्थात् छ अर्ब ४९ करोड ४३ लाख १७ हजार पाँच सय रुपैयाँले बढी हो । गत वर्ष पहिलो त्रैमासमा चार खर्ब ७१ अर्ब ४० करोड १० लाख रुपैयाँ कर्जा प्रवाह भएकोमा दुई दशमलव ४९ प्रतिशत अर्थात् ११ अर्ब ७३ करोड ७८ लाख ८४ हजार नौ सय रुपैयाँ निष्क्रिय कर्जा थियो ।
विकास बैंकहरूले सार्वजनिक वित्तीय विवरणअनुसार सबैभन्दा बढी निष्क्रिय कर्जा क्षेत्रीयस्तरको सिन्धु विकास बैंकको छ । सिन्धुको निष्क्रिय कर्जा ११ दशमलव २९ प्रतिशत छ । जुन गत आवको सोही अवधिमा चार दशमलव २६ प्रतिशत थियो । क्षेत्रीयस्तरकै कर्णाली डेभलपमेन्ट बैंकको निष्क्रिय कर्जा सात दशमलव २७ प्रतिशत छ । जुन एक वर्षअघि चार दशमलव ७४ प्रतिशत थियो । महालक्ष्मी विकास बैंकको निष्क्रिय कर्जा चार दशमलव ९० प्रतिशत छ । जुन गत आर्थिक वर्षको सोही अवधिमा तीन दशमलव ५१ प्रतिशत थियो ।
साङ्ग्रिला, कामना र गरिमा विकास बैैंकको निष्क्रिय कर्जा यस आर्थिक वर्षको पहिलो त्रैमासमा क्रमशः चार दशमलव ६५ प्रतिशत, तीन दशमलव ९६ प्रतिशत र तीन दशमलव ८२ प्रतिशत निष्क्रिय कर्जा छ । गत आर्थिक वर्षको सोही अवधिमा यी बैंकहरूको निष्क्रिय कर्जा क्रमशः तीन दशमलव २८ प्रतिशत, तीन दशमलव ४८ प्रतिशत र दुई दशमलव ६८ प्रतिशत थियो । लुम्बिनी विकास बैंक, शाइन रेसुङ्गा र मुक्तिनाथ विकास बैंकको निष्क्रिय कर्जा चालू आर्थिक वर्षको पहिलो त्रैमासमा क्रमशः तीन दशमलव ६९ प्रतिशत, तीन दशमलव ५० प्रतिशत र तीन दशमलव १६ प्रतिशत छ ।
जुन गत आर्थिक वर्षको सोही अवधिमा क्रमशः तीन दशमलव ४७ प्रतिशत, दुई दशमलव ५९ प्रतिशत र एक दशमलव ४९ प्रतिशत थियो । यस्तै, क्षेत्रीयस्तरको नारायणी डेभलपमेन्ट बैंकको निष्क्रिय कर्जा तीन दशमलव २१ प्रतिशत छ । गत आर्थिक वर्षको सोही अवधिमा नारायणीको निष्क्रिय कर्जा एक दशमलव ९४ प्रतिशत थियो ।
क्याटेगोरी : बैंक बित्त बजार
ट्याग : #Page 1
ताजा अपडेट
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया