काठमाडौं । नेपाल वायुसेवा निगमको अन्तर्राष्ट्रिय उडानमा रहेको आरएनए २१७ विमान बुधबार तोकिएको समयभन्दा सात घण्टा ढिला गरी काठमाडौंबाट भारतको राजधानी नयाँदिल्ली उडेको छ । सात घण्टासम्म यात्रुलाई सास्ती दिए पनि निगमले यात्रुहरूलाई कुनै जानकारी भने दिएन । एक यात्रुले आर्थिक दैनिकलाई दिएको जानकारीअनुसार बुधबार दिउँसो १ बजेर ४५ मिनेट जाँदा काठमाडौंबाट नयाँदिल्ली उड्नुपर्ने उक्त विमान राति ८ बजेर २५ मिनेट जाँदा मात्र उडेको थियो ।
दिउँसो १ बजेर ४५ मिनेटमा विमान उडान हुने भएपछि यात्रुहरू बिहान ११ बजे नै त्रिभुवन अन्तर्राष्ट्रिय विमानस्थल पुगेका थिए । यात्रुहरू ११ बजे विमानस्थल पुगेर बोर्डिङ पास लिएपछि मात्र साँझ छ बजेर ४५ मिनेटमा मात्र उड्ने जानकारी दिइयो । तर, उक्त विमान छ बजेर ४५ मिनेटमा पनि उड्न सकेन ।
त्यसपछि निगमले यात्रुहरूलाई चाँडै उड्ने भनेर साँझ ७ बजे विमानमा चढाएको थियो । तर, त्यसको झण्डै डेढ घण्टा अर्थात् ८ बजेर २५ मिनेटमा मात्र उक्त विमान काठमाडौंबाट नयाँदिल्लीका लागि उड्यो । डेढ घण्टा विमानमा यात्रुलाई थुनेर राख्दा पनि निगमले कुनै कारण बताएन ।
समयमै उड्ने भनेर विमानस्थल पुगेका यात्रु झण्डै साढे आठ घण्टा विमानस्थलमा रुमलिएर बस्नुपरेको थियो । निगमले यात्रुप्रति गरेको व्यवहारले अन्तर्राष्ट्रियस्तरमै बदमासी भएको छ । अर्कोतिर साढे आठ घण्टा किन यात्रुलाई अलपत्र पारियो भन्ने बारेमा पनि कुनै जानकारी नदिनाले नागरिकको सुसूचित हुने अधिकार पनि हनन् भएको छ ।
निगमको लापरबाहीको कारण दिल्लीलाई ट्रान्जिट बनाएर आफ्नो अन्तिम गन्तव्यमा जानुपर्ने यात्रुलाई ठूलो समस्या परेको छ । कतिपय यात्रुका दिल्लीबाट हुने उडान छुटेको छ । नयाँ उडानको लागि यात्रुहरूले छुट्टै थप पैसा खर्च गर्नुपरेको छ । दिल्लीबाट अर्को उडान छुटेकाहरूले अर्को विमानको लागि थप भाडा मात्र होइन दिल्लीमा होटलमा बस्न पनि थप खर्च गर्नुपरेको छ ।
निगमसँग अहिले दुईवटा वाइड र दुईवटा न्यारो गरी चारवटा अन्तर्राष्ट्रिय उडानका विमान छन् । ती चारवटा विमानको उडानसमेत मिलाउन नसक्दा निगम व्यवस्थापन मात्र होइन पर्यटन मन्त्री बन्द्री पाण्डेको क्षमतामाथि पनि प्रश्न उठेको छ । निगमको व्यवस्थापनको लापरबाहीको कारण यात्रुले दुःख पाएको यो पहिलो घटना भने होइन । तर, विनाजानकारी विमानस्थलमा साढे आठ घण्टाभन्दा बढी कुर्नुपर्ने अवस्था आएको चाहिँ पाण्डे पर्यटन मन्त्री भएपछिको पहिलो घटना हो ।
क्याटेगोरी : समाचार
ट्याग : #Page 1
ताजा अपडेट
- यात्रुलाई सात घण्टा विमानमै थुन्यो नेपाल वायुसेवा निगमले
- अमेरिकाको राष्ट्रपतिमा डोनाल्ड ट्रम्प विजयी
- प्रधानमन्त्री ओलीद्वारा अमेरिकी राष्ट्रपति ट्रम्पलाई बधाई
- कार्तिक शुक्ल षष्ठी : छठ पर्वको मुख्य दिन आज
- मानव तस्करीमा जापानबाट डिपोर्ट भएपछि मन्त्री अधिकारीले राजीनामा दिएको खुलासा !
- मित्रमिलन सहकारीका उपाध्यक्ष लम्साल पक्राउ
- लेखा समितिका सभापति जोडिएको सहकारीमा प्रहरीको छापा
- इजरायलका लागि राजदूतमा धनप्रसाद पण्डित नियुक्त
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया