कोरोनाबाट मुक्त हुनेको दर ४६ प्रतिशत र संक्रमण हुनेको दर ३ प्रतिशत
काठमाडौँ, असार २४
देशको संघीय राजधानी काठमाडौं उपत्यकामा कोरोना संक्रमण बढे पनि देशभर कोरोना संक्रमण हुनेभन्दा निको हुनेको दर धेरै गुणा माथि रहेको पाइएको छ । काठमाडौं उपत्यकामा भने मंगलबारसम्म कोरोना संक्रमितको संख्या दुई सय ६७ जना पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो एक साताको तथ्यांक अनुसार कोरोना संक्रमण निको हुनेको दर ४६ दशमलव ३ प्रतिशत रहेको छ भने संक्रमण हुनेको दर ३ दशमलव ३ प्रतिशतमा झरेको छ । असार १७ गते संक्रमण हुनेको दर १६ दशमलव ५ प्रतिशत थियो । उक्त दिन चार हजार आठ सय ८६ जनाको परीक्षण गर्दा सात सय ४० जनामा कोरोना देखिएको थियो । मंगलबार भने छ हजार एक सय ३३ जनाको परीक्षण गर्दा दुई सय चार जनामा मात्र कोरोना संक्रमण देखिएको छ । मंगलबारसम्म कोरोना संक्रमितको संख्या १६ हजार एक सय ६८ पुगेको छ ।
सरकारले पीसीआर विधिबाट परीक्षणलाई भने जारी राखेको छ । कोरोना संक्रमितको दर घटिरहेको बेला चारवटा जिल्ला भने कोरोनाबाट मुक्त भएका छन् । ७७ वटै जिल्लामा कोरोना देखिएकामा मंगलबारदेखि चारवटा जिल्लामा कोरोना भएका एक जना व्यक्ति पनि छैनन् । ती जिल्लामा यसअघि देखिए पनि अहिले निको भइसकेको स्वास्थ्य मन्त्रालयले जनाएको छ । मन्त्रालयका अनुसार तेह्रथुम, भोजपुर, सोलुखुम्बु र हुम्लामा कोरोना देखिएकाहरु सबै निको भएका छन् । थप कसैमा पनि कोरोना देखिएको छैन । अन्य जिल्लामा भने कोरोनाका संक्रमित अझै उपचाररत छन् ।
मन्त्रालयका अनुसार पछिल्लो ४८ घण्टामा कोरोना निको हुनेको संख्या छ सय ८८ पुगेको छ । मंगलबारसम्म सात हजार चार सय ९९ जना संक्रमित निको भइसकेका छन् । नेपालमा ९७ प्रतिशत कोरोना संक्रमित विदेशबाट आएकामा देखिएको मन्त्रालयको दाबी छ । नेपालमा ३५ जनाको कोरोनाबाट मृत्यु भएको छ । कोरोनाको औषधि पत्ता नलागे पनि कोरोना संक्रमितलाई देखिएको रोगअनुसार उपचार भइरहेको छ । सरकारले काठमाडौंमा धेरै भीडभाड हुने क्षेत्रमा कोरोनाको परीक्षण गर्ने तयारी गरेको छ । यद्यपि काठमाडौंमा समुदायमा कोरोना नफैलिएको मन्त्रालयको भनाइ छ ।
चार जिल्ला कोरोनाबाट मुक्त भए पनि छ जिल्लामा भने पाँच सयभन्दा बढी कोरोना संक्रमित छन् । मन्त्रालयका अनुसार महोत्तरी, रौतहट, पाल्पा, अछाम, बैतडी र बाजुरामा पाँच सयभन्दा बढी कोरोना संक्रमित छन् । ती जिल्लामा अधिकांश विदेशबाट आएका नागरिकमा कोरोना देखिएको हो ।
मंगलबार बाजुरामा ५४ जना, काठमाडौंमा १४ जना, अछाम र बैतडीमा ११/११ जना, ललितपुरमा १० जना, महोत्तरीमा नौ जना, अर्घाखाँची र धनुषामा आठ/आठ जना, डोटीमा सात जना, डडेलधुरा र मोरङमा छ/छ जना, रुकुम पश्चिम, नवलपुर, सल्यानमा पाँच/पाँच जनामा कोरोना पुष्टि भएको छ । यस्तै, सप्तरीमा चार जना, सुनसरी, गोरखा, मकवानपुर, दाङ, सुर्खेत र सर्लाहीमा तीन/तीन जना, तनहुँ, पाल्पा र बर्दियामा दुई/दुई जना, झापा, सिन्धुली, सिन्धुपाल्चोक, धादिङ, भक्तपुर, कास्की, लमजुङ, नुवाकोट, पर्सा, रुपन्देही, रामेछाप, कपिलवस्तु, बागलुङ, नवलपरासी र रुकुम पूर्वमा एक/एक जनामा कोरोना देखिएको छ ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया