बीमा समितिद्वारा बीमालेख धितो राखी दिइने कर्जामा नयाँ व्यवस्था
काठमाडौँ, असार २४
बीमा समितिले बीमालेख धितो राखी दिइने कर्जामा नयाँ व्यवस्था लागू गरेको छ । समितिले सञ्चालनमा रहेका सबै किसिमका बीमा कम्पनीहरुको नाउँमा परिपत्र जारी गर्दै उक्त व्यवस्था कार्यान्वयनमा ल्याउन निर्देशन दिएको हो । नयाँ व्यवस्थाअनुसार बीमकले अधिकतम एक आर्थिक वर्षभित्र मात्र बीमालेखा ‘ब्याक डेट’ गर्न सक्नेछन् । तर एकल बीमा शुल्क भुक्तानी गर्ने गरी जारी गरेको बीमालेखको हकमा ‘ब्याक डेट’ गर्न पाइनेछैन । बीमालेखअन्तर्गत समर्पण मूल्य तथा बीमालेख धितो राखी ऋण प्रदान गर्दा बीमालेख प्रारम्भ मितिबाट दुुई वर्ष पूरा भएपछि मात्र प्रदान गर्न सकिनेछ ।
तर एकल बीमा शुल्क भुक्तानी गर्ने गरी जारी गरेको बीमालेखको हकमा भने बीमा प्रारम्भ मितिको एक वर्ष पूरा भएपछि समर्पण मूल्य र ऋण प्रदान गर्न सकिने व्यवस्था गरिएको समितिले जानकारी दिएको छ । समितिका अनुसार हाल नेपाली बीमा क्षेत्रमा सबै किसिमका गरी ४० वटा कम्पनीहरुले बीमासम्बन्धी कारोबार सञ्चालन गर्दै आएका छन् । जसमध्ये १९ वटा कम्पनीले जीवन बीमा, २० वटाले निर्जीवन बीमा र एउटाले पुुनर्बीमासम्बन्धी कारोबार सञ्चालन गर्दै आएको समितिले जानकारी दिएको छ ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया