बैंकहरूको निक्षेप ६६ खर्ब ४० अर्ब

काठमाडौं । बैंकिङ प्रणालीमा निक्षेप फेरि बढ्न थालेको छ । नेपाल राष्ट्र बैंकले अध्यावधिक गरेको तथ्याङ्कअनुसार कात्तिक १८ गतेसम्म बैंकिङ प्रणालीमा कुल निक्षेप संकलन ६६ खर्ब ४० अर्ब रुपैयाँ पुगेको छ । तिहार अघि कुल निक्षेप ६६ खर्ब ३९ अर्ब रुपैयाँ थियो ।

पछिल्लो समय लगानीको वातावरण नरहेको भन्दै उद्योगीहरूले कर्जाको माग गरेका छैनन् । सर्वसाधारणले पनि सानोतिनो व्यवसायमा लगानी गरेको अवस्था छैन । यही कारण बैंकमा निक्षेप राखेर व्याज खानेहरू बढ्दै गएका छन् । यही कारण निक्षेपको आकार बढिरहेको छ भने कर्जा विस्तार सुस्त छ । राष्ट्र बैंकका अनुसार कात्तिक १८ गतेसम्म बैंक तथा वित्तीय संस्थाले ५२ खर्ब ७६ अर्ब रुपैयाँ लगानी गरेका छन् ।

वाणिज्य बैंकहरूले यस अवधिसम्म ५९ खर्ब चार अर्ब रुपैयाँ निक्षेप संकलन गरेका छन भने ४६ खर्ब ७१ अर्ब रुपैयाँ कर्जा प्रवाह गरेका छन् । विकास बैंक र फाइनान्स कम्पनीहरूले सात खर्ब ३६ अर्ब निक्षेप संकलन गरी छ खर्ब पाँच अर्ब रुपैयाँ कर्जा लगानी गरेका छन् ।

बैंकहरूले कुल निक्षेपको ९० प्रतिशतसम्म कर्जा लगानी गर्न पाउँछन् । तर अहिले जम्मा ७८ दशमलव १२ प्रतिशत मात्रै लगानी गरेका छन् । कर्जाको माग हुन छाडेपछि बैंकहरूले बुधबार राष्ट्र बैंकले एक खर्ब माग्दा झण्डै दोब्बर पैसा राख्न निवेदन दिएका थिए ।

सरकारले चालू आर्थिक वर्षमा छ प्रतिशत आर्थिक वृद्धि हासिल गर्ने लक्ष्य राखेको छ । त्यसका लागि राष्ट्र बैंकले तरलता व्यवस्थापन र कर्जा प्रवाहलाई उत्पादनशील क्षेत्रतर्फ उन्मुख गरिने र निजी क्षेत्रतर्फ जाने कर्जा वृद्धिदर साढे १२ प्रतिशतसम्म रहने प्रक्षेपण गरेको छ । तर कर्जा विस्तारको अहिलेको अवस्था हेर्दा लक्ष्यअनुसार आर्थिक वृद्धि हासिल हुने सम्भावना न्यून देखिन्छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments