काठमाडौं, असार २४
काठमाडौं उपत्यकाभित्र भएका विभिन्न सुनचाँदी पसलहरूको सटर फोडी सुन तथा चाँदीका गरगहना र नगद रकम चोरी गरेको अभियोगमा ३ जनालाई प्रहरीले पक्राउ गरेको छ । पक्राउ पर्नेहरूमा उदयपुर त्रियुगा नगरपालिका २ का ३७ वर्षीय सुमित भन्ने गंगा बहादुर तामाङ, महोत्तरी बर्दिबास नगरपालिका ४ का ४५ वर्षीय बुद्ध बहादुर माझी र उदयपुर रामपुर गाउँपालिका ३ का ४९ वर्षीय विक्रम भन्ने जङ्गबहादुर माझी रहेका छन् ।
२०७६ फागुन १८ गते राति काठमाडौं महानगरपालिका २ लाजिम्पाटस्थित दिलिप कुमार श्रेष्ठको पबि ज्वेलर्समा रहेका १ किलो १ सय ५० ग्रामबराबरको सुनका गहना, ८ किलो ५ सय ६० ग्रामबराबरको चाँदीका गहना र नगद समेत गरी ८५ लाख ८५ हजार ६ सय ४२ रूपैयाँबराबरको धनमाल चोरी भएको थियो । अनुसन्धानको सिलसिलामा महानगरीय अपराध महाशाखाबाट खटिएको प्रहरी टोलीले आइतबार मोरङ उर्लाबारीबाट गंगा बहादुर र बुद्ध बहादुरलाई तथा काठमाडौं दरबारमार्गबाट जङ्गबहादुरलाई पक्राउ गरेको हो ।
प्रहरीका अनुसार उनीहरूले रातको समयमा कागज बोतल उठाउने व्यक्तिको हुलिया बनाई साइकलमा विभिन्न सुनचाँदी पसलहरूको रेकी गर्ने र धेरै मानिसको चहलपहल नहुने स्थानमा रहेको सुनचाँदी पसलको सटर फोडी चोरी गर्ने गरेका थिए । चोरीपछि घटनास्थल पसलभित्र रहेको सीसीटीभीको डीभीआरसमेत उनीहरूले लाने गरेको पाइएको प्रहरीले जनाएको छ । दुईवटा समूह मिलेर उक्त चोरीको काम गर्ने गरेका थिए ।
दुई समूहका नाइकेबीच जेलमा बस्दा चिनजान भएको र त्यहाँबाट छुटेपछि उनीहरूले आफ्नो म्यादीहरूलाई बोलाई अब अन्तिमपटक ठूलो काम गर्ने भन्दै सुनचाँदीका गरगहना चोरी गर्न लगाएका थिए । ५०/५५ वर्षका पुराना चोरहरूले २०/२१ वर्षका चोरलाई प्रयोग गरेको पाइएको प्रहरीले जनाएको छ । चोरी गरेका सामानहरू मुख्य नाइके भारतीयमूलका चोरले बेचबिखन गरी फरार रहेको प्रहरीले जनाएको छ ।
क्याटेगोरी : बिबिध
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया