काठमाडौं, असार २४
नाडा अटोमोबाइल्स एसोसिएसन अफ नेपालले एक्जिम कोड नवीकरणको म्याद आगामी असोज मसान्तसम्मका लागि थप गर्न माग गरेको छ । नाडा अध्यक्ष एवम् नेपाल उद्योग वाणिज्य महासंघका कार्यकारिणी सदस्य तथा राजस्व समितिका उपसभापति कृष्णप्रसाद दुलालले भन्सार विभागका महानिर्देशक सुमन दाहालसँग भेटी एक्जिम कोड नवीकरणको म्याद असोजसम्म थप गर्न आग्रह गरेको नाडाले जनाएको छ ।
नेपालमा ३० हजार व्यावसायिक कम्पनीहरु एक्जिम कोडमा दर्ता रहेको नाडाले जनाएको छ । हालसम्म पनि बन्दाबन्दी कायम रहेको, सडकमा जोरविजोरको सवारीसाधन सञ्चालनमा रहेको, सर्वोच्च अदालतले शून्य समयको घोषणा गरेको स्थितिमा सो नवीकरण गर्ने कम्पनीहरु १ हजार ५ सयको संख्यामा मात्र रहेकोले सबै कम्पनीहरुले निर्धारित समयावधिभित्र नवीकरण गर्न नसक्ने अवस्था रहेको नाडाले जनाएको छ । सोही कारण नवीकरणको म्याद थप गर्न नाडाले अनुरोध गरेको हो ।
देशको जटिल र विषम परिस्थितिमा यसबाट व्यवसायीहरुलाई धेरै सहज हुने अपेक्षा नाडाले राखेको छ । एक्जिम कोड नवीकरण गर्ने म्याद असार मसान्तसम्म मात्र रहेको छ । उक्त छलफलमा दुलाललगायत महासंघका कार्यकारिणी सदस्य तथा रोजगार दाता समितिका उपसभापति भरतराज आचार्य, नाडाका सचिव सुरेन्द्र प्रधान तथा नेपाल उद्योग वाणिज्य महासंघका अधिकृत लोकराज जोशीलगायतको उपस्थिति रहेको थियो ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया