काठमाडौं । बेटिङ एप्लिकेसनमार्फत ५५ करोड रुपैयाँ बराबरको अनलाइन जुवा खेलाउने एक युवक पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले पाँचथरको मिक्लाजुङ गाउँपालिका–७ घर भएका ३७ वर्षीय सुनिल राईलाई ललितपुरबाट पक्राउ गरेको हो ।
बेटिङ एप वानएक्स बेटमार्फत उनले विश्वभर सञ्चालन हुने विभिन्न अनलाइन गेमअन्तर्गत अनलाइन जुवा खेलाउने गरेको प्रहरीले जनाएको छ । साथै, उनले क्रिप्टोकरेन्सी ट्रेड समेत गर्ने गरेको पाइएको छ । राईले ७५ वटा बैंक खाता र एक सय २८ वटा इ–सेवा वालेट प्रयोग गरी ५५ करोड २० लाख ८४ हजार ७१ रुपैयाँ बराबरको अनलाइन जुवा खेलाएको प्रारम्भिक अनुसन्धानबाट खुल्न आएको प्रहरीले जनाएको छ । यस्तै, उनले २५ वटाभन्दा बढी इमेल एकाउन्ट खोलेर वान एक्स बेटको प्रयोग गरेको पाइएको छ ।
साथै, प्रहरीले राईको साथबाट ल्यापटप दुई थान, विभिन्न मोडेलका मोबाइल सेट आठ थान, एनसेनको सिमकार्ड ७० थान, एनटीसीका सिमकार्ड ५ थान, वाईफाई राउटर दुई थान, विभिन्न व्यक्तिहरूको नाममा रहेका ११ थान नागरिकता प्रमाणपत्र, १५ थान राहदानी, २२ थान विभिन्न बैंकका चेकबुक, ४२ थान एटीएम कार्ड र एउटा मोटरसाइकल बरामद गरेको छ । प्रहरीले राईविरुद्ध जुवा खेल्न नहुने कसुर, अभौतिक मुद्राको कसुरमा अनुसन्धान गर्न जिल्ला प्रहरी परिसर ललितपुर पठाएको छ ।
क्याटेगोरी : समाचार
ट्याग : #Page 8
ताजा अपडेट
- हनी ट्रयापमा संलग्न रहेको अभियोगमा तीन जना पक्राउ
- नाष्टको ४८औँ प्राज्ञसभा: १२ विधामा पुरस्कृत गरिने
- २७ सय ४८ बिन्दुमा खुम्चियो शेयर बजार
- नेपालमा विज्ञान, इन्जिनियरिङ क्षेत्रमा चुनौती: उपप्रधानमन्त्री सिंह
- ‘परियोजनाको लाभ लक्षित वर्गमा सुनिश्चित हुनुपर्ने’
- पाल्पामा धान उत्पादन बढेपछि किसान उत्साहित
- सरकारले निजी क्षेत्रसँग सहकार्य गर्न खोजेको छ: मन्त्री भण्डारी
- बाढीले पुल बगाएपछि फोक्सिङटारमा अस्थायी ‘बेलिब्रिज’ जडान गरिने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया