काठमाडौं । माउन्टेन इनर्जी लिमिटेडले दूधखोला जलविद्युत् आयोजनामा लगानी गर्ने भएको छ । मनाङको दूधखोलास्थित ६५ मेगावाट क्षमताको उक्त आयोजनामा कम्पनीले लगानी गर्ने भएको हो ।
माउन्टेन इनर्जी लिमिटेड र सीता हाइड्रो प्रालिबीच लगानीसम्बन्धी सम्झौतामा हस्ताक्षर भएको छ । सम्झौतामा माउन्टेन इनर्जीका सञ्चालक अरुण कुमार केसी र सीता हाइड्रो प्रालिका अध्यक्ष सीताराम तिमल्सिनाले हस्ताक्षर गरेका छन् । विद्युत् विकास विभागले २०७४ जेठमा दूधखोला जलविद्युत् आयोजनाको अध्ययन अनुमतिपत्र जारी गरेको थियो । माउन्टेन इनर्जीले निर्माण सम्पन्न गरेका ४२ मेगावाटको मिस्ट्रीखोला हाइड्रो र पाँच मेगावाटको ताँदीखोला हाइड्रो परियोजना हाल सञ्चालन भइरहेका छन् । कम्पनीले ४२ मेगावाटको मिस्ट्रीखोला हाइड्रो परियोजना प्रतिमेगावाट साढे १३ करोड हाराहारीको लागतमा निर्माण सम्पन्न गरेको थियो ।
कम्पनीले १२ मेगावाट क्षमताको मिस्ट्रीखोला–२ जलविद्युत् आयोजनाको पनि विद्युत् उत्पादन अनुमतिपत्र प्राप्त गरिसकेको छ । दूधखोला जलविद्युत् आयोजनामा लगानी गर्ने सम्झौता गरेसँगै अब कम्पनीले हकप्रद सेयर निष्काशन गर्न सक्ने देखिएको छ । चालू आर्थिक वर्ष २०८१/०८२ को प्रथम त्रैमासमा कम्पनीले ३० करोड ५३ लाख ९३ हजार रूपैयाँ खुद नाफा कमाएको छ । यस अवधिसम्म कम्पनीको चुक्ता पुँजी दुई अर्ब २६ करोड ३२ लाख रूपैयाँ रहेको छ । कम्पनीको ‘रिटेन अर्निङ’ एक अर्ब ३३ करोड रहेको छ । यस अवधिमा कम्पनीको वार्षिकीकरण गरिएको प्रतिसेयर आम्दानी ५३ दशमलव ९६ रूपैयाँ हुन आउँछ । कम्पनीको प्रतिसेयर नेटवर्थ १५८ दशमलव ७७ रूपैयाँ रहेको छ ।
मिस्ट्रीखोला आयोजना सञ्चालनमा आएको पहिलो वर्ष आर्थिक वर्ष २०७८/७९ मा कम्पनीले १० प्रतिशत लाभांश वितरण गरेको थियो । साथै, आर्थिक वर्ष २०७९/८० मा कम्पनीले १५ प्रतिशत बोनस सेयर र शूनय द.७८९५ प्रतिशत नगद लाभांश वितरण गरेको थियो ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- ‘हिउँ चितुवा संरक्षणमा लगानी बढाउनुपर्छ’
- हनी ट्रयापमा संलग्न रहेको अभियोगमा तीन जना पक्राउ
- नाष्टको ४८औँ प्राज्ञसभा: १२ विधामा पुरस्कृत गरिने
- २७ सय ४८ बिन्दुमा खुम्चियो शेयर बजार
- नेपालमा विज्ञान, इन्जिनियरिङ क्षेत्रमा चुनौती: उपप्रधानमन्त्री सिंह
- ‘परियोजनाको लाभ लक्षित वर्गमा सुनिश्चित हुनुपर्ने’
- पाल्पामा धान उत्पादन बढेपछि किसान उत्साहित
- सरकारले निजी क्षेत्रसँग सहकार्य गर्न खोजेको छ: मन्त्री भण्डारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया