अर्बौं रुपैयांका सामान नाकामा रोकिँदा व्यवसायी मारमा
काठमाडौं, असार २९
विश्व महामारी कोरोना भाइरस (कोभिड–१९)को नियन्त्रण तथा रोकथामको लागि गरिएको लकडाउनका कारण चीनबाट आएका अर्बौँ रुपैयाँ मूल्यबराबरको सामान तातोपानी र केरुङ नाकामा अलपत्र परेको छ । चीनबाट आएको सामानमा कोरोना सुरक्षा ग्यारेन्टी नभएका कारण कतिपय नाकाका स्थानीय सरकारले पनि सामान ल्याउन अवरोध गरेको व्यवसायीहरुले बताउँदै आएका छन् ।
व्यवसायीहरुका अनुसार सामान काठमाडौं ल्याउन नसकेपछि रसुवाको केरुङ नाका पुलमा अलपत्र अवस्थामा छ । सुरक्षाको सामान्य प्रक्रिया अपनाएर सामान ल्याउनका लागि दबाब पनि परेको छ । तर, पनि काम भएको छैन । करिब एक हजार मालवाहक गाडीमा नेपाल आउनलागेको सामान अलपत्र परेको व्यवसायीहरुले बताएका छन् । अर्बौँ रुपैयाँबराबरको सामान नेपाल ल्याउने व्यवस्था मिलाउँदा सरकारले राजस्वसमेत संकलन गर्नसक्ने अवस्था भए पनि सरकारी निकायले यसमा चासो दिएका छैनन् ।
सिन्धुपाल्चोक उद्योग वाणिज्य संघ तथा नेपाल हिमालय सीमापार वाणिज्य संघका प्रतिनिधिहरुले पनि पटक–पटक यसबारे आवश्यक निर्णय लिन सरकारलाई अनुरोध गरेका छन् । संघीय सरकार, प्रदेश तथा स्थानीय सरकारले समन्वय गरेर अलपत्र रहेका सामान काठमाडौं ल्याउन पहल गर्नुपर्ने सिन्धुपाल्चोक उद्योग वाणिज्य संघका अध्यक्ष वेदबहादुर श्रेष्ठले बताए ।
उता हिमालय सीमापार वाणिज्य संघले पनि संघीय सरकारका विभिन्न निकायमा दबाब दिएको छ । ‘परराष्ट्रलगायतका मन्त्रालयमै पुगेर सामान ल्याउनका पहल गर्न हामीले अनुरोध गरेका छौँ तर अझै काम भएको छैन’, नेपाल हिमालय सीमापार वाणिज्य संघका अध्यक्ष बच्चु पौडेलले भने, ‘यस विषयमा सरकार संवेदनशील हुनु आवश्यक छ ।’ यता तातोपानी नाकामा पनि धेरै सामान अलपत्र परेका छन् । लकडाउनका बेला केही अत्यावश्यक सामान आए पनि त्यसपछि रोकिएको सामान काठमाडौं ल्याउन नसकेपछि व्यवसायीहरु समस्यामा परेका छन् ।
क्याटेगोरी : समाचार
ताजा अपडेट
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
- बंगलादेशकी पूर्वप्रधानमन्त्री हसिनाविरुद्ध पक्राउ पुर्जी जारी
- भारतमा बिक्री घटेसँगै नोकियाको समग्र कारोबारमा गिरावट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया