काठमाडौं, साउन २
नेपालको प्रमुख पर्यटकीय क्षेत्र ठमेलमा घरधनी र व्यवसायीबीच घरभाडालाई लिएर देखिएको समस्या कम हुने देखिएको छ । बिहीबार काठमाडौंमा आयोजित घरधनी र व्यवसायीको संयुक्त पत्रकार सम्मेलनमा बोल्दै व्यवसायी तेजेन्द्रनाथ श्रेष्ठ, राजुमान डंगोल, योगराज राजभण्डारी, गोपाल गुरुङ, क्षेतेन नोर्गेल (तिब्बती शरणार्थी)लगायत सीमित व्यवसायी र घरधनीको उपस्थित रहेको कार्यक्रममा श्रेष्ठले यसअघि विभिन्न माध्यममा आएका ५० प्रतिशत छुट भन्ने समाचार सही नभएको समेत दाबी गरे । करिब सात हजारको संख्यामा व्यवसायी रहेको ठमेलमा दुई सयको हाराहारीमा होटलको साथै पस्मिना, ह्याण्ड्रीक्राफ्ट, ट्राभल एजेन्सी, ट्रेकिङ, -याफ्टिङलगायतका व्यवसायहरू प्रमुखरूपमा सञ्चालनमा छन् । कार्यक्रममा श्रेष्ठले घरधनी र व्यवसायीबीच रहेको दुईखाले करार सम्झौताले समेत समस्या पारेको र त्यसलाई कसरी समाधान गर्ने भनेर छलफल गरिरहेको बताए ।
कोभिडको कारण सम्पूर्ण क्षेत्रमा समस्या रहेकोले पर्यटकीय क्षेत्र ठमेललाई सहुलियतभन्दा पनि सरकारबाट सहयोग पाएमा पछि आफूहरूले समेत करको माध्यमबाट तथा अन्य माध्यमबाट सरकारलाई सहयोग गर्ने बताए । दुई वर्षको भाडा नदेऊ काम गर भन्ने घरबेटीदेखि लिएर तीस, पचास, सत्तरी, निःशुल्क तथा दुई महिनाको देऊ अर्को एक महिना निःशुल्क भन्नेसम्मको घरबेटी ठमेलमा रहेको श्रेष्ठले बताए । कार्यक्रममा घरधनी योगराज राजभण्डारीले यसअघि व्यवसायीको कुरा मात्र समेटिएको र घरधनीहरूको कुरा नआएकोले संयुक्त पत्रकार सम्मेलन गरेको बताए । पचास प्रतिशत भाडा लिने भनेर प्रचार गरियो, त्यस्तो सहमति नगरिएको बताउँदै भण्डारीले भने, ‘हामी घरबेटीको पनि समस्या छन्, बैंकको लोन छ’ सो कुरा बुझिदिनसमेत आग्रह गरे । सरकारले बैंक लोनमा सहुलियत जसरी दिन्छ त्यसरी नै आफूहरू घरभाडामा सहुलियत दिन तयार रहेको बताए । आजको दिनसम्म ठमेलका ९५ प्रतिशत समस्या समाधान भइसकेको र बाँकी समस्या पनि समाधान गरिने भण्डारीले बताए ।
त्यस्तै कार्यक्रममा घरधनी क्षेतेन नोर्गेलले पनि ५० प्रतिशतमा सहमति भयो भनेर बाहिर प्रचार गरिएकोमा आपत्ति जनाए । अहिले ठमेलमा विवाद बढाउन केही अवाञ्छित तत्व लागेको र दुष्प्रचार गरिएकोले सबै क्लियर गर्न पत्रकार सम्मेलन गरिएको घरधनी नोर्गेलले बताए । ५० प्रतिशत छुट दिने सम्झौता नगरिनुका साथै ठमेल बचाउन लागि परेकोले हामीलाई मन नपर्ने व्यक्तिहरूले दुष्प्रचार गरेको ठमेल पर्यटन विकास परिषद्का उपाध्यक्ष भविश्वर शर्माले बताए ।
हामी कोही पनि विस्थापित हुन नपरोस्, हामी घरधनी र व्यवसायीलाई घरभाडा, बैंकको लोन, विद्युत् महसुल, टेलिफोन, इन्टरनेट आदिमा समस्या छन् । यसमा सरकारले सहुलियत देओस् भन्ने मात्र हाम्रो अपेक्षा हो । कार्यक्रममा शर्माले केहीले धमिलो पानीमा माछा मार्न प्रयास गरिरहेको र सो सफल नहुने जिकिर गरे । ठमेल प्रमुख पर्यटकीय गन्तव्य भएकोले ठमेललगायत सम्पूर्ण पर्यटकीय क्षेत्रलाई चलायमान बनाउन सरकारले विभिन्न छुट, राहत तथा दीर्घकालीन योजनाहरू ल्याउन आवश्यक रहेको शर्माले बताए ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया