महेन्द्र शाही
सोलुखुम्बु, साउन २
सोलुखुम्बुको फाप्लुमा रहेको बागबानी केन्द्रले पहिलो पटक आफ्नो स्थापना दिवस मनाएको छ । वि.सं. २०३४ सालमा स्थापना भएको केन्द्रले पहिलोपटक औपचारिक कार्यक्रम गरी सोमबार ४१औँ स्थापना दिवस मनाएको हो । दिवसको अवसरमा केन्द्रले आफ्नो प्रगति, चुनौती तथा अवसर लगायतका विषयमा सरोकारवाला जानकारी प्रदान गरेको छ ।
हिमाली जिल्ला सोलखुम्बुसहित छिमेकी जिल्लाहरु ओखलढुंगा र खोटाङका कृषकलाई समेत सेवा दिने उद्देश्यले स्थापना भएको केन्द्रले कृषि प्रविधि प्रसारको क्षेत्रमा समेत काम गर्ने गरेको केन्द्रले जनाएको छ । केन्द्रले जिल्लामा किबी, स्याउ तथा विभिन्न प्रजातिका कृषि उपजहरु विस्तार गर्न सफल भएको दाबी गरेको छ । केन्द्रका अनुसार पछिल्लो समय स्याउ उत्पादनमा क्रमिक रुपले गिरावट आएको छ भने किबी खेती विस्तारमा कृषकहरु सक्रिय बनेका छन् । जलवायु परिवर्तनका कारण स्याउ उत्पादनमा वर्षेनी गिरावट आइरहेको केन्द्रको भनाइ छ ।
पछिल्लो समय सोलुखुम्बुमा उत्पादन तथा कृषकको चासो पनि किबी खेतीतर्फ रहेको केन्द्रका सूचना अधिकारी बालकुमारी राईले जानकारी दिइन् । यद्यपि कृषकको मागअनुसार किबीको बिरुवा उपलब्ध गराउन भने नसकेको केन्द्रले स्वीकार गरेको छ । केन्द्रले लगानीको अनुपातमा राजस्व संकलन भने न्यून रहेको बताइएको छ । नयाँ प्रजातिका खेती तथा फलफूल विस्तार गरिरहेकाले लगानीको अनुपातमा राजस्व संकलन अत्यन्त न्यून रहेको केन्द्रले केन्द्रले जानकारी दिएको छ । केन्द्रमा पछिल्लो समय तरकारी खरिद गर्नेहरु केही मात्रामा आउने गरेको कार्यालयले जनाएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- बढ्यो व्यक्तिगत आवास कर्जा एक वर्षमा तीन खर्ब ९३ अर्ब रुपैयाँ कर्जा प्रवाह
- अर्थतन्त्रका सबल सूचकका जगमा कमजोर क्षेत्रहरू सुधार्न अर्थमन्त्रीको निर्देशन
- उद्योगमा काटिएको विद्युत् जोड्ने प्राधिकरण सञ्चालक समितिको निर्णय
- राष्ट्रपति पौडेलले गरे विश्व नेताहरूको उच्चस्तरीय सत्रलाई सम्बोधन
- दक्षिण कोरियाको लागि इ७ भिसा तत्काल लागू नगर्ने
- सिभिल सहकारीका सोह्र सय पीडितले सात अर्ब बचत मागे
- ट्रम्प अमेरिकाको राष्ट्रपति बन्दा जलवायु परिवर्तनको विषयमा कस्तो प्रभाव पर्ला ?
- बिटकोइनसँग जोडिएका सात रोचक र अपत्यारिला कुरा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया