कञ्चनपुर, साउन ६
भारतीय पक्षद्वारा अवरोध गरिएको हुलाकी राजमार्गको काम पुन सुचारु भएको छ । साउन २ गते भारतीय सुरक्षाकर्मीसहितका प्रशासनिक अधिकारीले कञ्चनपुरमा निर्माण भइरहेको हुलाकी सडक अवरोध गरेका थिए । नेपाल पक्षले उक्त सडक निर्माण कार्यलाई पुनः सुचारु गरेको छ ।
दर्जनौँ सुरक्षाकर्मीसहित आएका भारतीय सुरक्षाफौजले अवरोध गरेको कञ्चनपुरको बेलौरी नगरपालिका ८ पचुई क्षेत्रमा निर्माणाधीन हुलाकी राजमार्गको काम नगर्न दबाब दिएका थिए । कञ्चनपुरदेखि पूर्व झापा जोड्ने नेपालकै दोस्रो लामो राष्ट्रिय हुलाकी राजमार्ग निर्माणमा भारतीय पक्षले अवरोध गरेको तेस्रो दिनदेखि पुनः सुचारु भएको हो । यसपटक भारतीय पक्षले अवरोध गरे पनि नेपाल पक्षले भने निर्माणकार्य सुचारु गरेको छ । सडक निर्माण कम्पनी बाबाहंस सिद्धिकीका सुपरभाइजर गणेश परियारले निर्माण कार्य सुचारुकै बीचमा भारतीय पक्षले रोके पनि तीन दिनमै पुनः काम सुरु भएको बताए ।
‘भारतबाट आएका सुरक्षाकर्मीसहित प्रशासनिक अधिकारी आएर काम रोकेर पछि छलफल गरौँला भनेर फर्किए, ‘उनले भने, ‘नेपालका तर्फबाट सशस्त्र प्रहरीका अधिकारी आएपछि काम सुचारु गरेका छौँ ।’ कालोपत्रेका लागि बेस बिछ्याउने क्रममा भारतीय पक्षबाट अवरोध भएको स्थानदेखि करिब २ किलोमिटर परसम्म बेस बिछ्याइएको उनले बताए । ‘काम सुरु भइसकेको छ, ‘उनले भने, ‘विना कारण रोकटोक गरियो ।’
भारतीय पक्षले रिफ्रेन्स पिलर ३८ लाई सीमा पिलर मानेर अनावश्क विवाद झिक्दै आएको छ । बेलौरी नगरका प्रमुख पोतिलाल चौधरीले नेपाली अधिकारीसँग समन्वयमा काम सुुचारु भएको बताए । ‘भारतीय पक्षबाट अनावश्यक विवाद झिकेर गए, ‘उनले भने, ‘नेपाली पक्षले सुरुवात गरेका छौँ ।’ गत वर्ष ग्राभिलिङ्ग गर्दा भारतीय पक्षले अवरोध गरेको थियो, रिफेन्स पिलर क्षेत्रको पुर्वतिर १२ सय मिटर सडक भारतमा पर्ने भन्दै काम रोक्न अनावश्यक बखेडा झिक्दै आएको छ । भारतीय पक्षले जीपीएस नक्साबाट उक्त सडक भारतको भूमिमा पर्ने दाबी गर्दै काममा अवरोध गर्दै आएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
- ‘उपकरण विस्फोटले ठूलो धक्का लाग्यो’
- मेटा र स्पोटिफाइद्वारा युरोपेली संघको आलोचना
- पलेशा र अन्य पारा खेलाडीलाई एनसेल फाउन्डेसनको सम्मान
- भैँसेपाटी स्पोर्ट्स एकेडेमी
- यज्डी मोटरसाइकलको तीन ठूला अफर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया