काठमाडौं, साउन ११
भारत–नेपाल सेन्टर÷एसडीसीले नेपाल उद्योग परिसंघ (सीएनआई), नेपाल एसबीआई बैंक लिमिटेड (एनएसबीएल), एनएचपीसी लिमिटेड र पीएचडी चेम्बर अफ कमर्स एण्ड इन्डस्ट्री (पीएचडीसीआई)को सहयोगमा ‘नेपालमा जलविद्युत् सम्भावनाको अन्वेषण’मा गत बिहीबार एक वेबिनार आयोजना गरेको थियो । यस पहललाई नेपाल–भारत द्विपक्षीय सम्बन्ध सामान्य बनाउन महत्वपूर्ण कदमका रूपमा समेत हेरिएको छ । कार्यक्रममा राष्ट्रिय योजना आयोग (एनपीसी)का सदस्य सुशील भट्टले नेपाल र भारत दुवैमा आर्थिक सुधारको लागि थप संयुक्त प्रयास हुनुपर्नेमा जोड दिए ।
उनले एनपीसीले भर्खर पाँच वर्षको लागि १५औँ आवधिक योजना तर्जुमा गरेको पनि जानकारी दिए । उनले आगामी तीन वर्षमा ५ हजार मेगावाट बिजुली उत्पादन गर्ने बताए । त्यस्तै कार्यक्रममा विद्युत् नियमन आयोग (एनईसी)का सदस्य डा. रामप्रसाद धितालले नेपालको जलविद्युत् क्षेत्रमा व्यापार र लगानीका अवसरबारे विस्तृत प्रस्तुतीकरण दिएका थिए । उनले कानुनी सुधार, नियामक रिपोर्ट र नीति तथा संस्थागत सुधारका क्षेत्रमा अवसरहरूका लागि विभिन्न सुधारहरूबारे जानकारी गराएका थिए । उनले विदेशी प्रत्यक्ष लगानी (एफडीआई)को आवश्यकता पनि औँल्याए । जसले मुलुकमा जलविद्युत्को छिटो विकासको लागि मार्गप्रशस्त गर्ने उनको भनाइ थियो । उनले नेपालमा विद्युतीय यातायात र खाना पकाउने पूर्वाधारको प्रवर्द्धन गर्नुपर्ने बताए । उनले आगामी आठ वर्षमा (२०२८ सम्म) १५ हजार मेगावाट बिजुली उत्पादन गर्ने र २०३० सम्ममा सबैलाई पर्याप्त बिजुली, किफायती र विश्वासयोग्य बनाउने सरकारको लक्ष्यको रहेको बताए ।
यसैगरी कार्यक्रममा एनएचपीसी लिमिटेडका निर्देशक (प्राविधिक) वाई के चौबे र एनएचपीसी लिमिटेडका कार्यकारी निर्देशक वी के मैनीले नेपालमा जलविद्युत सम्भावनाको अन्वेषणबारे प्रस्तुतीकरण दिए । नेपाल एसबीआई बैंक लिमिटेड (एनएसबीएल) का सीईओ अनुकुल भटनागरले नेपालमा जलविद्युत सम्भावनाको अन्वेषणमा वित्तीय परिप्रेक्ष्य दिएका थिए ।
कार्यक्रममा पीएचडीसीसीआईका वरिष्ठ उपाध्यक्ष संजय अग्रवालले विश्वव्यापी महामारीका कारण नराम्रो असर परेको भारत र नेपालको अर्थतन्त्रलाई पुनर्बहाली गर्न आवश्यक पर्ने एमएसएमईलाई सहयोग पु-याउनेबारे प्रकाश पारे । भारत नेपालको आर्थिक प्रगति र कल्याणको लागि एक मजबुत साझेदार हुनु आवश्यक रहेको उनको भनाइ छ । जलविद्युत् दुवै देशका लागि सहयोग र आपसी लाभका लागि एक आदर्श प्लेटफर्म भएको पनि उनले बताए । पीएचडीसीसीआईका उपाध्यक्ष प्रदीप मुलतानीले भारत र नेपालबीचको सम्बन्धलाई अवगत गराए ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया