बटुुकनाथ झा
जनकपुरधाम, साउन २६
धनुषाका ३९ जनासहित प्रदेश २ मा एक सय १० जनामा कोरोना संक्रमण पुष्टि भएको छ । पछिल्लो २४ घण्टामा प्रदेश २ का विभिन्न जिल्लामा गरी एक सय १० जनामा संक्रमण देखिएको हो । धनुषामा संक्रमण पुष्टि भएका ३९ जनामध्ये २० जना जनकपुरधाम उपमहानगरपालिकाका रहेका छन् । जनकपुरधाम उपमहानगरपालिको २० जनामध्येमा प्रादेशिक अस्पतालका एक चिकित्सकसहित छ जना, मुख्यमन्त्री कार्यालयका चार जना, विश्व स्वास्थ्य संगठनमा कार्यरत एक कर्मचारी र ९ जना अन्य स्थानीय रहेका छन् ।
यसैगरी धनुषाकै धनौजी गाउँपालिकाकी एक महिला र ११ पुरुषसहित १२ जनामा संक्रमण पुष्टि भएको निर्देशनालयले जनाएको छ । लक्ष्मीनिया गाउँपालिकाको बनिनियाँका २, धनुषाधाम नगरपालिकाका १ र ठाउँ नखुलेको चार जनामा संक्रमण पुष्टि भएको निर्देशनालयले जनाएको छ । यसैगरी महोत्तरीको जलेश्वर नगरपालिका, मटिहानी नगरपालिका, बर्दिवास नगरपालिका, सीतापुर भंगहा, कजरा रमौल र ठाउँ नखुलेका १÷१ तथा औरही नगरपालिकाका १० गरी २१ जनामा संक्रमण पुष्टि भएको छ ।
सप्तरीको बोदेबरसाइन नगरपालिकाका १, खड्क नगरपालिकाका ४ र राजविराज नगरपालिकाका ७ जनामा पनि संक्रमण देखिएको छ । यसैगरी रौतहटको बौधीमाई नगरपालिका, कटहरिया नगरपालिका, गुजरा नगरपालिका र ठाउँ नखुलेको १–१ जनामा संक्रमण पुष्टि भएको छ । बाराको जितपुर सिमरा उपमहानगरपालिकाका १, पचरौता नगरपालिकाका ८ र ठाउँ नखुलेको १४ जनामा संक्रमण पुष्टि भएको छ ।
सिरहाको चोहर्वा, लहान नगरपालिका र ठाउँ नखुलेको एक–एक जनामा संक्रमण पुष्टि भएको निर्देशनालयले जनाएको छ । पर्साको वीरगञ्ज महानगरपालिकाका २ र ठाउँ नखुलेको तीन जना तथा सर्लाहीको बसन्तपुर, सोहनपुर र ठाउँ नखुलेको एक–एक जनामा संक्रमण पुष्टि भएको छ । जनकपुरको निषेधाज्ञा साउन ३२ गतेसम्म लम्बियो
त्यसैगरी जिल्ला प्रशासन कार्यालय धनुषाले सात दिनका लागि लगाइएको निषेधाज्ञालाई थप ७ दिनको लागि थप गर्दै साउन ३२ गतेसम्म पु-याएको छ । प्रशासन कार्यालय धनुषामा आइतबार बसेको सुरक्षा समितिको बैठकले थप ७ दिन निषेधाज्ञा लम्ब्याउने निर्णय गरेको धनुषाका प्रमुख जिल्ला अधिकारी प्रेम प्रसाद भट्टराईले बताए ।
कोरोना भाइरसको संक्रमण दिनानुदिन बढ्दै गएपछि निषेधाज्ञा थपिएको हो । बैठकमा जनकपुरका उद्योग वाणिज्य संघको समेत पदाधिकारीहरूको सहभागिता रहेको थियो । बैठकमा प्रतिनिधित्व गरेका उद्योगी/व्यवसायीको प्रतिनिधिहरूले कोरोनाको संक्रमणको वर्तमान अवस्थालाई मध्नयनगर गर्दै पसल तथा व्यवसाय साउनभरि नै नखोल्ने निर्णयमा सहमति जनाएका हुन् । साथै बैठकले जनकपुरको दशरथ तलाउको उत्तरी डिलमा रहेको यात्रीनिवासलाई क्वारेन्टाइन बनाउने निर्णय गरेको छ । यसैगरी बैंक तथा वितिय संस्थाहरू भने सिफ्टवाइज खोल्ने निर्णय गरिएको छ ।
क्याटेगोरी : बिबिध
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया