काठमाडौं, भदौ ८
कोरोना भाइरस संक्रमित बिरामीहरूको उपचारका लागि मनमोहन मेमोरियल शिक्षण अस्पतालले आईसोलेसन तथा उपचार कक्ष सञ्चालनमा ल्याएको जनाएको छ । अस्पतालले काठमाडौँको चन्द्रागिरी नगरपालिकास्थित दहचोकमा रहेको बेसिक साइन्स भवनमा ३ सय ३३ शय्याको आईसोलेसन कक्ष तयार गरी सञ्चालनमा ल्याएको हो ।
अस्पताल सञ्चालक संस्था नेपाल स्वास्थ्य सेवा सहकारी संस्था लिमिटेडका अध्यक्ष राजेन्द्र पाण्डेले आइतबार एक विज्ञप्ति जारी गर्दै महामारी नियन्त्रणका लागि उक्त अस्पतालले सञ्चालनमा ल्याएको आइसोलेसन कक्ष प्रयोग गर्न सरकारलाई हस्तान्तरण गरिसकेको जानकारी दिए । उनले उक्त कक्ष गत जेठ २५ गते नै स्वास्थ्य मन्त्रालयलाई उपलब्ध गराएको विज्ञप्तिमा उल्लेख गरेका छन् ।
विदेशमा रहेका नेपाली नागरिकहरूलाई स्वदेश आउनका लागि सहजीकरण गर्न, मन्त्रिपरिषद्को गत जेठ १२ गतेको बैठकले क्वारेन्टाइन सञ्चालन गर्नाका लागि मनमोहन मेमोरियल मेडिकल कलेज तथा शिक्षण अस्पताललाई अनुरोध गरेको र सरकारको अनुरोधलाई स्वीकार गरी उपलब्ध गराएको पाण्डेले बताए ।
अस्पतालको काठमाडौँस्थित चन्द्रागिरी नगरपालिका वडा नं. १ दहचोकमा ७५ हजार वर्गफिट क्षेत्रफलमा ५ तल्ले बेसिक साइन्स भवन रहेको छ । ६० कोठा भएको उक्त भवनमा ७ वटा ल्याब समेतको रहेको अस्पतालले जनाएको छ । त्यस्तै गत भदौ २ गतेवाट मनमोहन मेमोरियल मेडिकल कलेज तथा शिक्षण अस्पतालको स्वयम्भूबाट समेत उपचार सुरु गरेको छ ।
हाल स्वयम्भू अस्पतालमा ६८ जना कोरोना संक्रमित तथा अन्य बिरामी रहेका छन् । बिरामीको उपचारका लागि अस्पतालका चिकित्सक, नर्सिङ, प्यारामेडिक्स तथा प्रशासनिक कर्मचारी तथा त्यहाँ लाग्ने सम्पूर्ण औषधि तथा अन्य आवश्यक उपकरणको व्यवस्थापन समेत अस्पतालले गरिसकेको छ ।
क्याटेगोरी : बिबिध
ताजा अपडेट
- (रास्वपा) सभापति लामिछानेविरुद्ध चितवनमा पनि जाहेरी
- कूटनीतिको विकासमा सघाउन परराष्ट्रमन्त्रीको आग्रह
- राष्ट्रपतिद्वारा‘नेपालका निधि’ पुस्तक लोकार्पण
- नेपाल ओलम्पिक कमिटीलाई पारदर्शी रुपमा सञ्चालन गर्न प्रधानमन्त्रीसँग माग
- ‘द्वन्द्वको प्रकृति परिवर्तन भए पनि पीडितको समस्या उस्तै छ’
- इजरायल–प्यालेस्टाइन युद्धमा तटस्थ नबस्न प्रधानमन्त्रीको ध्यानाकर्षण
- नौं अंकले उक्लियो शेयर बजार
- पहिलो चौमासिकमा १२ अर्ब ७२ करोडको विद्युत् भारत निर्यात
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया