बटुकनाथ झा
काठमाडौं ।
नेपाली ध्वजावाहक रेल कुदाउने नेपालको सपना साकार हुने भएको छ । नेपालको आफ्नै रेल जनकपुर स्टेसनमा आज प्रवेश गर्ने भएको रेल विभागले जनाएको छ । ‘नेपालीको रेल सपना वास्तविकतामा परिणत हुँदै छ । भोलि (शुक्रबार) नेपालको आफ्नै रेल जनकपुर स्टेसनमा आउँदै छन्’, विभागका महानिर्देशक बलराम मिश्रले बिहीबार साँझ फेसबुकमा लेखेका छन्, ‘भौतिक पूर्वाधार तथा यातायात मन्त्रालय, रेल विभागका लागि यो विशाल क्षण हो । यसलाई यथार्थमा बदल्न सहयोग गर्नुहुने सबैलाई धन्यवाद !’
भारतीय कोंकण रेल्वे कर्पोरेसनले बनाएको दुईवटा नेपाली ध्वजावाहक रेल नेपाल–भारत सीमा जयनगरस्थित आफ्नै स्टेसनमा बिहीबार साँझ नै आइसकेको छ । महानिर्देशक मिश्रका अनुसार दुवै रेल शुक्रबार नेपाललाई कम्पनीले औपचारिक हस्तान्तरण गर्नेछ । जनकपुर–जयनगर चल्ने रेल शुक्रबार मध्याह्न १२ बजेसम्ममा जनकपुरधाम स्टेसनमा आइपुग्ने रेल्वे कम्पनी लिमिटेडका महाप्रबन्धक गुरु भट्टराईले जानकारी दिए । नेपालको राष्ट्रिय झण्डाको रंगमा तयार भएको रेल हाल भारतको पटनास्थित हाजीपुर स्टेसनमा छ । भारतको पटनास्थित हाजीपुर स्टेसनमा राखिएको रेल जनकपुर आइपुग्न ४ घण्टा समय लाग्ने उनले बताए ।
हाललाई पहिलो चरणमा जनकपुर नजिकै कुर्थासम्मको ३५ किमि रेल ट्र्याक निर्माणसम्पन्न भइसकेको छ । उक्त रेल जयनगरदेखि कुर्थासम्म सञ्चालन हुनेछ । त्यस्तै दोस्रो चरणमा चल्ने भनिएको जनकपुरको कुर्थादेखि भंगहासम्म १७ किलोमिटरमा लिक बिछ्याउने, लिकमा कालो गिट्टी राख्ने तथा भौतिक संरचना निर्माणको काम युद्धस्तरमा भइरहेको विभागले जनाएको छ ।
केही दिनअघि मात्रै विभागले नेपाली रेल सञ्चालन गर्न एक सयभन्दा बढी प्राविधिकको लागि दरखास्त मागिसकेको छ । कम्पनीले सूचना जारी गर्दै प्रशासन, सब–इन्जिनियरिङ, सहायक स्टेसन म्यानेजर, लेखापाल कम्प्युटर अपरेटर, टिकट बिक्रेता, टिकट कलेक्टर, ट्रयाक निरीक्षक, फोरम्यान, इलेक्ट्रिसियन, अमिन गार्ड, टिटिइ, हेल्पर, पोइन्टस म्यान र पुस ट्रली चालकलगायत विभिन्न पदका लागि १ सय २९ जनाको आवेदन माग गरेको थियो ।
यी कर्मचारी छ महिनाका लागि करारमा नियुक्त गर्न लागिएको हो । दुवै रेलको मूल्य करबाहेक ८६ करोड रुपैयाँ रहेको छ । वि.सं. २०७५ पुस २९ गतेको मन्त्रिपरिषद् बैठकले भौतिक मन्त्रालयलाई दुईवटा रेल खरिदका लागि सैद्धान्तिक स्वीकृति दिएपछि नेपाल र भारतबीच जीटूजी प्रक्रियाबाट यी रेल खरिद भएका हुन् । नेपालले उक्त मूल्यको २० प्रतिशत भने सम्झौताअनुसार यसअघि नै भुक्तानी गरिसकेको छ । कोरोना महामारी नभएको भए असारमै नेपाली भूमिमा नेपालको आफ्नै रेल चलाउने सपना पूरा हुने थियो । महामारीकै कारण समय केही पछि धकेलिएको थियो ।
क्याटेगोरी : समाचार
ताजा अपडेट
- ‘न्यायालयप्रति विश्वास छ, सघाउँछौँ’
- वीरगञ्जको घडीअर्वा पोखरीमा छठको तयारी थालियो
- थुनुवा मृत अवस्थामा फेला
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया