सांग्रिला डेभलपमेन्ट बैंकद्वारा मुस्कान होमलाई रकम सहयोग

काठमाडौं ।
सांग्रिला डेभलपमेन्ट बैंकले मुस्कान होम अफ होपलाई रकम सहयोग गरेको छ । बैंकका अनुसार संस्थागत सामाजिक उत्तरदायित्व कार्यक्रमअन्तर्गतको ललितपुरको धोबीघाटस्थित उक्त संस्थालाई दुुई लाख ५० हजार रुपैयाँ सहयोग गरिएको हो । बैंकले आफूहरूले गरेको सहयोगले मुस्कान होम अफ होममा आश्रित बौद्धिक तथा शारीरिक अपाङ्गता भएका व्यक्ति तथा बालबालिकाहरूका लागि निःशुल्क खाना, आवास तथा शिक्षामा सहयोग पुग्ने विश्वास लिएको जानकारी दिएको छ । बैंकको तर्फबाट नायब महाप्रबन्धक अपूर्वप्रसाद जोशीले मुस्कान होमका अध्यक्ष सुमती कर्माचार्यलाई चेक हस्तान्त्तरण गरेका थिए ।