कञ्चनपुर ।
धनबहादुर जप्रेल
कञ्चनपुरको दैजी–जोगबुढा सडक खण्डमा कालोपत्रेको तयारी तीव्ररूपमा भैरहेको स्थानीय प्रशासनले दाबी गरेको छ । विगत लामो समयदेखि अलपत्र रहेको सडक संघ र प्रदेश कसले निर्माण गर्ने विवादका बीच प्रदेश सरकारले सडक निर्माण गर्न लागेको हो । उक्त सडक निर्माणसँगै कालोपत्रेको समेत तयारी भैरहेको बताइएको छ । सडक कालोपत्रे भएपछि महेन्द्रनगरदेखि डोटीको बुडरको दूरी पनि घट्ने बताएको छ । यो सडकलाई सुदूरपश्चि प्रदेशको गौरवको योजनाका रूपमा लिइन्छ ।
कञ्चनपुर जिल्लाको वेदकोट नगरपालिका र डडेल्धुरा जिल्लाको परशुराम नगरपालिकालाई जोड्ने उक्त सडकको कालोपत्रेको तयारी भइरहेको वेदकोट नगरपालिकाका प्रमुख अशोककुमार चन्दले बताए । ‘लामो समयदेखि कसले बनाउने भन्ने अलझन्काबीच अहिले प्रदेश सरकारको लगानीमा सडक निर्माण तथा कालोपत्रेको काम धमाधम अगाडि बढेको छ’, नगरप्रमुख चन्दले भने, ‘बीचमा कोरोना कहरले केही निर्माण कार्यमा ढिलाइ भए पनि हाल भने निर्माण कम्पनीले कामलाई गति दिएको छ ।’ निर्माण कम्पनीले असोज महिनाको अन्तिम साताभित्रमा झण्डै चार किलोमिटर क्षेत्रमा सडक कालोपत्रे गरिसक्ने उनले बताए । नगरप्रमुख चन्दका अनुसार वेदकोट तालको तल चोरपानीदेखि सडकमा बेस बिछ्याउने काम भइरहेको छ ।
यस्तै बेस बिछ्याए पनि प्राइम हाल्ने र प्राइम हालेको तीन÷चार दिनभित्रमा कालोपत्रे गर्ने योजना निर्माण कम्पनीको रहेको नगरप्रमुख चन्दको भनाइ छ । दैजी–जोगवुढा सडकको दैजीदेखि लिप्नासम्म झण्डै १७ किलोमिटर सडक निर्माणका लागि नागार्जुन कन्ट्रक्सनसँग १६ करोेड ३८ लाख २५ हजार आठ सय ७० रूपैयाँमा ठेक्का सम्झौता भएको थियो । सम्झौताअनुसार उक्त सडक निर्माण २०७६ असारसम्ममा सम्पन्न गरिसक्नुपर्नेमा पूरा हुन नसक्दा योजना निर्माणको समयसीमा एक वर्ष थप गरिएको छ ।
‘दैजी–जोगवुढा सडकखण्डको केही भाग तिहारअघि नै कालोपत्रे गर्ने योजनाका साथ निर्माण कम्पनी काम गरिरहेको अवस्था छ’ प्रमुख चन्दले भने, ‘नगरपालिकास्थित वेतकोट तालको तीन किलोमिटरमाथिसम्म झण्डै नौ किलोमिटर कालोपत्रे तिहारअगावै सम्पन्न हुन्छ, तिहारपछि चिसोको मौसममा काम कालोपत्रेको काम गुणस्तरीय नहुने भएकोले पनि निर्माण कम्पनीलाई जतिसक्दो चाँडो निर्माण गर्न भनिएको छ ।’ कालोपत्रे गर्ने सडकको बाँकी रहेको काम भने फागुन चैतमा गरिने उनको भनाइ छ । यस्तै दैजी जोगवुढा सडकखण्ड कालोपत्रे भैसकेपछि कञ्चनपुरबाट पहाडी जिल्लामा आवत जावत गर्न सहज हुनेछ । तत्कालीन समयमा दैजी–जोगबुढा सडक योजनाको रूपमा सुरू भएको यो सडक दुई भागमा विभाजन गरी काम भइरहेको छ । कञ्चनपुरतर्फ दैजी–लिप्ना सडक र डडेलधुरातर्फ लिप्ना–जोगबुढा खण्डमा काम भइरहेको नगरपालिकाले जनाएको छ ।
क्याटेगोरी : समाचार
ताजा अपडेट
- आरएसडीसी लघुवित्तको लाभांश घोषणा
- स्वालम्बन लघुवित्तको साधारणसभाको आह्वान
- बेष्ट फाइनान्सको साधारणसभा आह्वान
- निषेधाज्ञा तोडेर कास्कीमा रास्वपाले गर्यो प्रदर्शन
- पूर्वगृहमन्त्री लामिछानेलाई कास्की जिल्ला अदालतमा उपस्थित गराइँदै
- ज्वलनपीडितको निःशुल्क उपचार प्रयासमा सरकार
- कर्णालीमा एक हजार सात सय बढी नयाँ उद्योग दर्ता
- राजस्व सङ्कलनको लक्ष्य पूरा गर्नेतर्फ उन्मुख वीरगञ्ज भन्सार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया