महालक्ष्मी विकास बैंकमा ऋणीहरूलाई ब्याज रकममा छुट

काठमाडौं ।
महालक्ष्मी विकास बैंकमा ऋणीहरूले कर्जाको ब्याजमा छुुट पाउने भएका छन् । हाल विश्वमा महामारीको रूपमा फैलिएको कोरोना भाइरस (कोभिड १९)का कारणले उत्पन्न असहज परिस्थितिमा बैंकबाट कर्जा सुविधा लिएका ग्राहकहरूलाई राहत पु-याउने उद्देश्यले ऋणीहरूले असोज मसान्तभित्र तिनुपर्ने ब्याज भुक्तानी गरेमा भुक्तानी भएको ब्याज रकममा १० प्रतिशत छुट प्रदान गर्ने निर्णय गरेको हो ।

बैंकले ब्याज रकममा १० प्रतिशत छुट असोज मसान्तभर प्रदान गर्नेछ । ग्राहकहरूले यस विषम परिस्थितिमा पनि कर्जाको किस्ता/ब्याज भुक्तानी गरेर देखाएको इमान्दारीताको कदर गर्दै बैंकले केही कर्जाहरूमा ब्याजदर समेत घटाएको छ ।

आउँदै गरेको नेपालीहरूको महान पर्व विजयादशमी, तिहार तथा छठको उपलक्ष्यमा आफ्ना सम्पूर्ण ग्राहकहरूलाई बैंक हार्दिक मंगलमय शुभकामना व्यक्त गरेको छ । देशका शहरी तथा ग्रामीण क्षेत्रका विभिन्न स्थानहरूमा एक सय दुुईवटा शाखातथा ३४ वटा एटीएमहरूमार्फत सेवा प्रदान गरिरहेको बैंकमा ग्राहक संख्या करिब पाँच लाखभन्दा बढी रहेको छ ।