काठमाडौं, पुस १४
नेपाल भ्रमण वर्ष २०२० को पूर्वसन्ध्यामा नेपाल चेम्बर अफ कमर्सद्वारा आयोजित प्रवर्द्धनात्मक कार्यक्रमअन्तर्गत भ्रमण वर्ष २०२० को लोगोसहितको प्रवर्द्धनात्मक आकृति अनावरण गरिएको छ । संस्कृति, पर्यटन तथा नागरिक उड्डयन मन्त्रालयका सचिव केदार बहादुर अधिकारीले करिब ३० फिट चौडाइ तथा ३० फिट लम्बाइको प्रवर्द्धनात्मक सन्देशसहितको भ्रमण वर्ष २०२० को लोगोसहितको आकृतिको प्रतिनिधिमूलक संस्था नेपाल चेम्बर अफ कमर्समा आइतबार अनावरण गरेका हुन् । उनले यस्ता प्रवर्द्धनात्मक कार्यहरुको प्रचारप्रसार निजी क्षेत्रको प्रतिनिधिमूलक संस्था नेपाल चेम्बर अफ कमर्सले गरेबाट अन्य संस्थाहरुमा समेत यस कार्यबाट उत्प्रेरणा मिल्ने बताए ।
सो अवसरमा चेम्बरका अध्यक्ष राजेशकाजी श्रेष्ठले कार्यक्रमको उद्देश्यमाथि प्रकाश पार्दै निजी क्षेत्रले स्वःस्फूर्त प्रवर्द्धनात्मक कार्यमा चेम्बरले मुख्य व्यापारिक एंव काठमाडौंको केन्द्रमा भ्रमण वर्ष २०२० को लोगोसहितको प्रवर्द्धनात्मक सामग्रीको प्रचारप्रसार गर्न पाएकोमा चेम्बर आफू गौरवान्वित महशुस गर्दै यस्ता पर्यटन प्रवर्द्धनात्मक क्रियाकलापहरु चेम्बरले विगतदेखि गर्दै आइरहेको स्मरण समेत गरे । भविष्यमा समेत पर्यटन प्रवर्द्धन र भ्रमण वर्ष २०२० सफल पार्न चेम्बरबाट आवश्यक सहयोग रहने दृढता समेत व्यक्त गरे ।
सो अवसरमा भ्रमण वर्ष २०२० आयोजक समितिका संयोजक सुरज बैद्यले सरकारी निजी क्षेत्रको सहकार्यको रुपमा यस्ता प्रवर्द्धनात्मक कार्यहरुको भ्रमण वर्ष २०२० पूर्णतः सफल, प्रभावकारी बनाउन मद्दत पुग्ने विश्वास व्यक्त गदै यस्तै क्रियाकलाप चेम्बर लगायत निजी क्षेत्रका अन्य संघ/संस्था एवं देशव्यापी रुपमा र अन्तर्राष्ट्रियजगत्मा समेत भइरहेको र आगामी दिनमा समेत हुने विश्वास र अपेक्षा व्यक्त गर्दै चेम्बरलाई यस सह्राहनीय कार्यको लागि आयोजक समितिको तर्फबाट हार्दिक धन्यवाद दिए ।
आउँदा दिनहरुमा समेत पर्यटन, आकर्षित गर्न, पूर्वाधार निर्माण गर्न पर्यटकको नेपाल बसाइ सुखद पार्न समेत चेम्बरको सहयोग सद्भाव अपेक्षा समेत राखे । चेम्बरको पर्यटन कमिटीका सभापति तथा चेम्बरका का.स. अर्जुन शर्माले यस किसिमको कार्यले मुलुकले परिलक्षित गरेको २० लाख पर्यटकका साथै स्तरीय पर्यटक भित्र्याउन प्रचारप्रसारको सशक्त माध्यम हुने बताए । सो अवसरमा नेपाल सरकारका सम्बद्ध निकायका उच्च अधिकारीहरु, नेपाल पर्यटन बोर्ड, पर्यटनसँग सम्बद्ध निजी क्षेत्रका संस्थाहरु, का.स. सदस्य, महिला चेम्बर, युथ चेम्बर, चेम्बर पर्यटन समितिका सदस्यहरुको उपस्थिति रहेको थियो ।
क्याटेगोरी : नेपाल
ताजा अपडेट
- लगानी बोर्ड बैठकः बूढीगण्डकीलगायत विभिन्न जलविद्युत् परियोजनाको लगानी स्वीकृत
- एमाले सांसद लीलाबल्लभ राखेकै कोठामा रास्वपा सभापती रविलाई राखियो
- गृह मन्त्रालयले गर्यो १२ उपसचिवहरुको सरुवा
- प्रधानमन्त्री ओलीको आसन्न चीन भ्रमणमा ८७ सदस्यीय टोली सहभागी हुने
- भ्रष्टाचार मुद्दामा विकल पौडेल र सफल श्रेष्ठलाई ८ वर्ष कैद,३ करोड बढी बिगो जरिवाना
- अर्थमन्त्री पौडेल र फिनल्याण्डका विकासमन्त्री ताभियोबीच भेटवार्ता
- वर्ल्डलिङ्क कम्युनिकेसन्समा फिनफण्डको एक करोड युरो लगानी
- रास्वपा सभापति लामिछानेलाई काठमाडौँ लगियो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया