फर्ष्ट माइक्रोफाइनान्सको नाफामा सामान्य वृद्धि

काठमाडौं  ।
फर्ष्ट माइक्रोफाइनान्स लघुुवित्त वित्तीय संस्थाको खुुद मुनाफामा सामान्य वृद्धि भएको छ । संस्थाले चालू आर्थिक वर्षको पहिलो त्रैमासिक अवधिमा दुई करोड ९७ लाख १६ हजार रुपैयाँ खुद मुनाफा आर्जन गरेको छ । गत आवको सोही अवधिमा संस्थाको यस्तो नाफा दुई करोड ६८ लाख ३८ हजार रुपैयाँ रहेको थियो ।

हाल चुक्ता पुंजी ८७ करोड ६८ लाख ११ हजार रुपैयाँ रहेको संस्थाले चालू आवको पहिलो त्रैमासिक अवधिमा छ अर्ब तीन करोड १७ लाख ६८ हजार रुपैयाँ खुद ब्याज आम्दानी गरेको छ । सो अवधिमा ४९ लाख ४० हजार रुपैयाँ प्रोभिजन गरेको संस्थामा निष्क्रिय कर्जाको अनुपात शून्य रहेको छ ।

गत आवको सोही अवधिमा भने संस्थाले पाँच अर्ब ६२ करोड ३८ लाख सात हजार रुपैयाँ कर्जा प्रवाह गर्दा चार करोड २४ लाख ८० हजार रुपैयाँ खुद ब्याज आम्दानी गरेको थियो । उक्त अवधिमा ११ लाख ७६ हजार रुपैयाँ प्रोभिजन गरेको संस्थामा निष्क्रिय कर्जाको अनुपात शून्य रहेको थियो ।