नयाँ फ्लाइट प्लानिङ सफ्टवेयर लागू

काठमाडौं ।
नेपाल वायुसेवा निगमले आफ्नो हवाइ सेवामा अत्याधुनिक नवब्लू फ्लाइट प्लानिङ सफ्टवेयर (एन–एफपी) लागू गरेको छ । निगमले यसअघि सञ्चालन गर्दै आएको सीता फ्लाइट प्लानिङ सफ्टवेयरलाई परिवर्तन गर्दै नयाँ सफ्टवेयर लागू गरेको हो । एन–एफपी प्रणालीमा मौसम पूर्वानुमान नोटाम, राइम प्रिडक्सन, ओभरफ्लाई चार्जेज, राउट एण्ड फ्युल अप्टिमाइजेसनलगायतका बहुउपयोगी विशेषताहरु रहेको एयरलाइन्सलाई फाइदाजनक रहेको निगमले बताएको छ ।

उक्त सफ्टवेयरले हवाइ उडानलाई सुरक्षित, भरपर्दो र अझ बढी प्रविधिमैत्री बनाउने निगमको भनाई छ । उक्त सफ्टवयर एयरबस कम्पनीले विकास गरेको हो । निगमका अनुसार उक्त सफ्टवयरले यसअघि संचालनमा रहेको सफ्टवेयरको तुलनामा ३० प्रतिशत खर्च समेत बचत हुनेछ । अहिलेको प्रतिस्पर्धात्मक युगमा आफ्नो सेवा र सुरक्षालाई समयानुकूल सुधार गर्न र व्यावसायिक सफलताका लागि पनि यस्तो प्रविधि भित्र्याउनुपरेको निगमले जनाएको छ ।