माउन्टेन इनर्जीको १९ करोड ६८ लाख रुपैयाँको साधारण आउने

काठमाडौं ।
माउन्टेन इनर्जी नेपाल लिमिटेडले १९ करोड ६८ लाख दुई हजार सात सय रुपैयाँको साधारण सेयरको बिक्री खुला गर्ने भएको छ । कम्पनीले यही कात्तिक २६ गतेबाट जारी पुँजीको १० प्रतिशतको अनुपातमा एक सय रुपैयाँ अंंकित मूल्य कायम रहने गरी १९ लाख ६८ हजार २७ कित्ता साधारण सेयरको बिक्री खुला गर्न लागेको हो ।

कम्पनीका अनुसार बिक्री गरिने कुुल सेयरमध्येमा दुुई प्रतिशत अर्थात् ३९ हजार दुुई सय ६१ कित्ता कम्पनीमा कार्यरत कर्मचारीहरूको लागि, पाँच प्रतिशत अर्थात् ९९ हजार चार सय एक कित्ता सामूहिक लगानी कोषको लागि र बाँकी १८ लाख ३० हजार दुई सय ६५ कित्ता सर्वसाधारणको लागि छुट्ट्याइएको छ । हाल अधिकृत पुँजी तीन अर्ब र जारी पुँजी एक अर्ब ९६ करोड ८० लाख २७ हजार रुपैयाँ रहेको कम्पनीको चुक्ता पुँजी भने एक अर्ब ५७ करोड ४४ लाख २१ हजार छ सय रुपैयाँ रहेको छ ।

साधारण सेयरको बिक्रीपश्चात् कम्पनीको चुक्ता पुँजी एक अर्ब ७७ करोड १२ लाख २४ हजार तीन सय रुपैयाँ पुुग्नेछ । बिक्री प्रबन्धक नबिल इन्भेष्टमेन्ट बैंकिङ लिमिटेड र सीबीआईएल क्यापिटल लिमिटेड रहेको सेयर बिक्री कार्य छिटोमा मंसिर दुुई गते र ढिलोमा मंसिर १० गते बन्द हुने कम्पनीले जानकारी दिएको छ ।