भैरहवा भन्सारद्वारा ११ अर्ब रुपैयाँभन्दा बढी राजस्व संकलन

पोसकान्त पोखरेल
बुटवल ।
भैरहवा भन्सार कार्यालय बेलहिया रूपन्देहीले चालू आर्थिक वर्षको तीन महिनामा ११ अर्ब ५३ करोड छ लाख २२ हजार रुपैयाँ राजस्व संकलन गरेको छ । कार्यालयका सूचना अधिकारी पूर्ण लम्सालका अनुसार कार्यालयले बेलहिया नाकाबाट भन्सार भई आउने सामग्रीहरूबाट उक्त राजस्व संकलन गरेको हो ।

सूचना अधिकारी लम्सालले उपलब्ध गराएको कार्यालयको विवरणअनुसार कार्यालयले चार अर्ब तीन करोड ७१ लाख ५८ हजार रुपैयाँको मोटरसाइकलबाट, ९० करोड ५८ लाख १५ हजार रुपैयाँ एमएस विलेटबाट, ७२ करोड ६१ लाख ३३ हजार रुपैयाँ ग्लेज टाइलबाट ६१ करोड ३५ लाख ६२ हजार हाइस्पिड डिजेलबाट, ४८ करोड ७३ लाख ६६ हजार रुपैयाँ पेट्रोलबाट, ४१ करोड ९९ लाख नौ हजार रुपैयाँ डबल–क्याप पीकअप गाडीबाट, ४० करोड २७ लाख ८० हजार रुपैयाँ मोबाइल टेलिफोनबाट, ३६ करोड १८ लाख ६५ हजार रुपैयाँ सिङ्गल क्याब पीकअप गाडीबाट, ३५ करोड २२ लाख ४० हजार रुपैयाँ मार्बल स्ल्याबबाट, ३० करोड ७४ लाख पोलिथिन दानाबाट राजस्व संकलन गरेको छ ।

त्यस्तै, २४ करोड २६ लाख ५७ हजार रुपैयाँ पत्थर कोइलाबाट, २१ करोड ८६ लाख ९० हजार रुपैयाँ एचआर सीटबाट, २१ करोड २० लाख ५५ हजार रुपैयाँ जर्दा खैनीबाट, १९ करोड २४ लाख ११ हजार रुपैयाँ अन्य साबुनहरूबाट, १७ करोड ७६ लाख आठ हजार रुपैयाँ ट्रक मिनी ट्रकबाट, १६ करोड ५९ लाख ४० हजार रुपैयाँ नुहाउने साबुनबाट, १५ करोड १८ लाख ४१ हजार रुपैयाँको चिनीबाट, १४ करोड ८८ लाख पाँच हजार रुपैयाँ बिस्कुटबाट, १४ करोड १५ लाख ५१ हजार रुपैयाँ बस ट्रकको टायरबाट, १४ करोड १५ लाख ३१ हजार रुपैयाँका फ्रिजबाट राजस्व संकलन गरेको छ ।

यसैगरी १४ करोड १३ लाख पाँच हजार रुपैयाँ चक्लेटबाट, १३ करोड ९५ लाख ५२ हजार रुपैयाँ सुती कपडा, १२ करोड ५५ लाख ८९ हजार रुपैयाँ तयारी कपडाबाट, ११ करोड छ लाख १९ हजार रुपैयाँ ट्याक्टर (१८ सय सीसीभन्दा बढीको)बाट, १० करोड ८४ लाख ९२ हजार रुपैयाँको हल्का पेय पदार्थबाट, १० करोड ८० लाख ५६ हजार रुपैयाँ चुइगमबाट, १० करोड १३ लाख १५ हजार रुपैयाँ मोटरको ब्याट्री, नौ करोड ९१ लाख ६२ हजार रुपैयाँ रेसाका कपडाहरूबाट, नौ करोड ८७ लाख ५१ हजार रुपैयाँ धाराका सरसामानहरूबाट, नौ करोड चार लाख २४ हजार रुपैयाँ अलकत्ता बिटुमिनबाट गरी ११ अर्ब ५३ करोड छ लाख २२ हजार रुपैयाँ राजस्व संकलन गरेको हो । उक्त अवधिमा कार्यालयबाट २६ अर्ब ८२ करोड ९९ लाख ७३ हजार रुपैयाँबराबरको आयात भएको छ भने ६२ करोड २० लाख ४२ हजार रुपैयाँको निर्यात भएको छ ।

सूचना अधिकारी लम्सालले उपलब्ध गराएको विवरणमा कार्यालयको आयात निर्यात अवस्था हेर्दा आयातको तुलनामा निर्यातको अवस्था धेरै निरासजनक रहेको छ । कार्यालयबाट चालू आर्थिक वर्षको तीन महिना अर्थात् असोज मसान्तसम्म २५ करोड ५७ लाख ५० हजार रुपैयाँको प्रशोधित भटमासको तेल, नौ करोड २४ लाख २१ हजार रुपैयाँको पिना अन्य, छ करोड २० लाख तीन हजार रुपैयाँको बोरा झोला अन्य कपडा पदार्थ, तीन करोड ४६ लाख १७ हजार रुपैयाँको प्लाष्टिकका नली पाइप, दुई करोड ८३ लाख १४ हजार रुपैयाँको जडीबुटी, दुई करोड ३१ लाख १५ हजार रुपैयाँको खोटो रोजिन, पाँच करोड ३० लाख ९१ हजार रुपैयाँको चाउचाउ, नुडल्स, पास्ता आदि, एक करोड ९२ लाख ८१ हजार रुपैयाँको दालचिनी, एक करोड ३१ लाख ५२ हजार रुपैयाँको तयारी कपडा, ९१ लाख ५० हजार रुपैयाँको सागपात र हरियो तरकारी, ७५ लाख छ हजार रुपैयाँको प्लाष्टिक पाइप फिटिङ, ४४ लाख ४८ हजार रुपैयाँको जमोठ कपडा, ८३ लाख आठ हजार रुपैयाँको प्लाष्टिक बोतल, ९३ लाख १६ हजार रुपैयाँको अन्य मसला र १५ लाख ७० हजार रुपैयाँको नरिवलको जराको धागो ६२ करोड २० लाख ४२ हजार रुपैयाँको निर्यात भएको देखिन्छ ।