ओप्पोले नोभेम्बर १७ मा इन्नो डे २०२० को आयोजना गर्ने

काठमाडौं ।
ओप्पोले आफ्नो वार्षिक ओप्पो इन्नो डे यही नोभेम्बर महिनाको २७ तारिखका दिन चीनको शन्चनमा ‘लिप इन्टू द फ्युचर’ अवधारणाका साथमा आयोजना गर्ने घोषणा गरेको छ । कार्यक्रमले इन्टरनेट अफ एक्स्पेरियन्सको यो युगमा ओप्पोका अग्रगामी सोच र सफलताहरु प्रस्तुत गर्ने जानकारी दिइएको छ ।

ओप्पोका संस्थापक तथा प्रमुख कार्यकारी अधिकृत टोनी चनका साथै ओप्पोका उपाध्यक्ष तथा ओप्पो रिचर्स इन्स्टिच्युटका प्रमुख लेभिन ल्यूले समेत कार्यक्रममा किनोट प्रस्तुति दिनेछन् । किनोटमार्फत दुवैले नयाँ युगका लागि कम्पनीका प्राविधिक भिजन र बिजनेस फिलोसोफीबारे जानकारी दिँदै तीन नयाँ अवधारणा उत्पादन (कन्सेप्ट प्रडक्ट्स)पनि सार्वजनिक गर्नेछन् ।

सन् २०१९मा पहिलोपटक आयोजित ओप्पो इन्नो डे कम्पनीका लागि आफ्ना प्रमुख प्राविधिक अन्तर्दृष्टि प्रस्तुत गर्नुका साथै, भविष्यका प्राविधिक सम्भावना अन्वेषणका लागि समेत एक प्रमुख कार्यक्रमका रुपमा रहँदै आएको छ । पछिल्लो वर्ष ओप्पोले इनटेलिजेन्ट कनेक्टिभिटीको अवधारणा अघि सारेको थियो । यस वर्ष सो अवधारणालाई परिष्कृत गर्दै इन्टरनेट अफ एक्स्पेरियन्सका रुपमा प्रस्तुत गर्ने ओप्पोको उद्देश्य रहेको छ ।