‘द ब्रुकलेन क्रिमरी’ नेपालमा

काठमाडौं ।
ज्योति ग्रुपले जीएफपीएलसँग साझेदारी गरी नेपालमा ‘द ब्रुकलेन क्रिमरी’ सार्वजनिक गरेको छ । कम्पनीका अनुसार यो एक कम क्यालोरी भएको रियल डेरी आइसक्रिम हो, जसमा हरेक स्कुपमा मात्र ७५ क्यालोरी रहेको छ । सन् २००७ मा सन् इन्टरनेशनल इनकर्पोरेटेड प्रालिबाट खाद्य उद्योगमा ज्योति ग्रुपले उक्त कम्पनीमार्फत वर्षौँदेखि आइसक्रिमको व्यापारमा आफ्नो प्रभुत्व जमाउन सफल भएको छ । नेपालभर तीव्र गतिमा आफ्नो डिस्ट्रिब्युसन च्यानल र अफिसहरू विस्तार गर्ने क्रममा रहेको यस ब्राण्डलाई अझ उचाइमा पु-याउनको लागि हस्पिटालिटी र रिटेल क्षेत्रका दक्ष तथा समर्पित टिमको साथ रहेको छ ।

ज्योति ग्रुपका अध्यक्ष सौरभ ज्योति, पूर्वमिस नेपाल सदीक्षा श्रेष्ठका साथै ज्योति ग्रुपका टिमको उपस्थितिमा आइतबार काठमाडौंमा द बु्रकलेन क्रिमरीलाई सार्वजनिक गरिएको थियो । यसै सार्वजनिक इभेन्टमार्फत भिगन आइसक्रिम, चकलेट बार, फ्रुट बार र आइसक्रिमहरूका विभिन्न प्रकारहरू सार्वजनिक गरिएको थियो । हालको समयमा द ब्रुकलेन आइसक्रिमहरू अनलाइनमार्फत बिक्री भइरहेको र आउँदो समयमा नेपालका विभिन्न आउटलेटहरूबाट यसको बिक्री वितरण गरिने कम्पनीको भनाइ छ । दुई साइजमा उपलब्ध यस आइसक्रिमको मूल्य २ सय २५ रुपैयाँ (१०० एमएल) र ७ सय ७५ रुपैयाँ (४५० एमएल) रहेको छ ।