परिमार्जनसहितको १० र पाँच रुपैयाँ दरको नोट चलनचल्तीमा
काठमाडौं ।
परिमार्जनसहितको १० र पाँच रुपैयाँ दरको नोट चलनचल्तीमा आएको छ । नेपाल राष्ट्र बैंकका अनुसार बुुधबारबाट गभर्नर महाप्रसाद अधिकारीको हस्ताक्षरसहितको नोट बजारमा आएको हो । साबिककै आकार,प्रकार र रंगमा केही परिमार्जन गरी नोट प्रचलनमा ल्याइएको राष्ट्र बैंकको मुद्रा व्यवस्थापन विभागले जानकारी दिएको छ ।
साबिकै आकार तथा रंगमा १० रुपैयाँ दरको नोटमा संकेत नम्बर ढ/८२०००००१ देखि द/४५ ९९९९९९ सम्म नेपाल सरकारको जमानत प्राप्त यसको रुपैयाँ भुक्तानी माग्न आएमा नेपाल राष्ट्र बैंकबाट रुपैयाँ १० (रुपैयाँ दश) तुरुन्त पाइनेछ’ भन्ने प्रतिज्ञामूलक वाक्यांश छ । यो नोटको विशेषतामा नोटको अग्रभागमा सगरमाथाको चित्र, नोटको दायाँतर्फ लालीगुराँसको पानीछाप, नोटमा गभर्नरको दस्तखत रहने स्थानमा महाप्रसाद अधिकारीको दस्तखत र नोटको तल्लो भागको बोर्डरमा सेरिज नम्बर वि.सं. २०७६ लेखिएको छ । यसैगरी नोटको पृष्ठभागअन्तर्गत नोटको मध्यभागको माथिल्लो खण्डमा अंग्रेजीमा नेपाल राष्ट्र बैंक लेखिएको छ । नोटको मध्यभागमा कृष्णसारको चित्र, नोटको तल्लो भागको बोर्र्डरमा अंग्रेजीमा रुपिज टेन र नोटको तल्लो भागको बोर्डरमा नोटको सेरिज नम्ब अंग्रेजीमा २०२० ए.डी लेखिएको राष्ट्र बैंकले जानकारी दिएको छ ।
यसैगरी साबिककै आकार तथा रंगमा पाँच रुपैयाँ दरको नोटमा संकेत नम्बर थ/३४०००००१ देखि न/५४ ९९९९९९ सम्म नेपाल सरकारको जमानत प्राप्त यसको रुपैयाँ ‘भुक्तानी माग्न आएमा नेपाल राष्ट्र बैंकबाट रुपैयाँ ५ (रुपैयाँ पाँच) तुरुन्त पाइनेछ’ भन्ने प्रतिज्ञामूलक वाक्यांश छ । उक्त नोटको अग्रभागमा सगरमाथाको चित्र, नोटको दायाँतर्फ लालीगुराँसको पानीछाप, नोटमा गभर्नरको दस्तखत रहने स्थानमा महाप्रसाद अधिकारीको दस्तखत र नोटको तल्लो भागको बोर्डरमा सेरिज नम्बर वि.सं. २०७६ लेखिएको छ ।
नोटको पृष्ठभागअन्तर्गत नोटको मध्यभागको माथिल्लो खण्डमा अंग्रेजीमा नेपाल राष्ट्र बैंक लेखिएको, नोटको मध्यभागमा वन्य याक तथा हुम्ला जिल्लाको लिमी क्षेत्रको हिमालको चित्र, नोटको तल्लो भागको बोर्र्डरमा अंग्रेजीमा रुपिज फाइभ र नोटको तल्लो भागको बोर्डरमा नोटको सेरिज नम्बर अंग्रेजीमा २०२० ए.डी लेखिएको छ । यी दुुवै नोटहरु बुधबारबाट चलनचल्तीमा पठाइएको राष्ट्र बैंकले जानकारी दिएको छ ।
क्याटेगोरी : समाचार
ताजा अपडेट
- भारतको अटोमोबाइल निर्यात १४ प्रतिशत बढ्यो
- भारतीय एयरलाइन्सहरुलाई बमको धम्कीले हैरान
- हिजबुल्लाहद्वारा आइतबार इजरायलमाथि एक सय क्षेप्यास्त्र प्रहार
- सिंगापुरका लगानीकर्ता र नेपाल चेम्बरबीच समझदारी
- पञ्चकन्या स्टिललाई ग्रिन–प्रो प्रमाणपत्र
- सामसुङको ग्यालेक्सी एस२४ एफई सार्वजनिक
- नेपाल बीमा प्राधिकरण र स्कुल अफ म्याथमेटिकल साइन्सबीच सम्झौता
- ग्लोबल आइएमई बैंक र अस्ट्रियाको युनिभर्सिटी अफ इन्ज्ब्रकबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया