थपिए १४ सय ७४ कोरोना भाइरस संक्रमित

काठमाडौं ।
सोमबार एकै दिन देशभर एक हजार चार सय ७४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ९ हजार ९ सय ११ जनामा गरिएको परीक्षणमा उक्त संख्यामा संक्रमण पुष्टि भएको हो । नेपालमा जाडोयाम सुरु भएसँगै कोरोना संक्रमितको संख्या बढ्दै गएको छ । सोमबारको तथ्यांकअनुसार नेपालमा कोरोना संक्रमितको कुल संख्या २ लाख ३३ हजार ४ सय ५२ पुगेको छ । पछिल्लो २४ घण्टामा कोरोना भाइरस संक्रमणमुक्त हुनेको संख्या १ हजार नौ सय ३१ रहेको छ । योसँगै हालसम्म कोरोना संक्रमणमुक्त हुनेको संख्या २ लाख १४ हजार ५ सय २१ पुगेको छ । हाल मुलुकभर १७ हजार ४ सय २३ जना सक्रिय संक्रमित रहेका छन् ।

मन्त्रालयका अनुसार सोमबार काठमाडौंमा ६१५, ललितपुरमा १२५, मोरङमा ८२, भक्तपुरमा ६९, सुनसरीमा ५०, झापा र दाङमा ४९/४९, चितवनमा ३७ जना संक्रमित थपिएका छन् । त्यस्तै, रुपन्देहीमा ३६, सिन्धुपाल्चोक र कास्कीमा २९÷२९, ताप्लेजुङ, मकवानपुर र सुर्खेतमा २४/२४ जना संक्रमित थपिएका छन् ।

त्यस्तै गोरखामा १६, धनुषामा १४, सप्तरी, नवलपरासी पूर्व र स्याङ्जामा १२/१२, उदयपुर, धादिङ, सिन्धुपाल्चोक र म्याग्दीमा १०र१०, बाँकेमा ८, सिराहा र पाल्पामा ७÷७, नुवाकोटमा ६ र इलाम, नवलपरासी, दैलेख, सल्यान र बाजुरामा ५/५ जना संक्रमित भेटिएका छन् । मन्त्रालयका अनुसार धनकुटा, संखुवासभा, सोलुखुम्बु, सर्लाही, रामेछाप, कपिलवस्तु, प्युठान, जाजरकोट र अछाममा ४/४, बारा, रौतहट, लमजुङ, गुल्मी र जुम्लामा ३/३, पाँचथर, दोलखा, तनहुँ, अर्घाखाँची र डडेल्धुरामा २/२ र तेह्रथुम, भोजपुर, महोत्तरी, सिन्धुली, पर्वत, मुस्ताङ, बागलुङ, बर्दिया, रोल्पा, रुकुम पश्चिम, कञ्चनपुर र डोटीमा १÷१ जनामा कोरोना भाइरस संक्रमण भएको छ ।