बैंक अफ काठमाण्डूद्वारा पाँच लाखको बीमा दाबी रकम भुक्तानी

काठमाडौं ।
बैंक अफ काठमाण्डू लिमिटेडले बीओके सफलता मुद्दती खातामा उच्चतम ब्याजदरका साथ ११ लाख रुपैयाँसम्मको बीमा सुविधा सिद्धार्थ इन्स्योरेन्स कम्पनी लिमिटेडको सहकार्यमा उपलब्ध गराउँदै आइरहेको छ । बीमा सुविधाअन्तर्गत दुर्घटनाजन्य मृत्यु तथा पूर्ण अशक्तताको लागि पाँच लाख, १८ प्राणघातक रोगहरूको लागि पाँच लाख तथा औषधि उपचारको लागि एक लाखको बीमा सुविधा रहेको छ ।

बैंकका अनुसार यसै सुविधाअन्तर्गत रुद्रप्रसाद बस्तीलाई बैंकले पाँच लाख रुपैयाँ बीमा दाबी रकम भुक्तानी हस्तान्तरण गरेको हो । केही समययता प्राणघातक रोगको कारणले उनको स्वास्थ्य प्रतिकूल भएको अवस्थामा बस्तीले बैंकबाट उपलब्ध भएको बीमादाबी रकम भुक्तानी प्राप्त गरी उक्त पैसा आफ्नो स्वास्थ्य उपचारमा प्रयोग गरी हाल सफल उपचारपश्चात् स्वास्थ्य लाभ गरी सामान्य जीवनयापन गरिरहेका छन् ।

बस्तीले बीओकेको नारायणघाट शाखा कार्यालयबाट बैंकिङ कारोबार गर्दै आएका छन् । बैंकको वाग्मती प्रदेशअन्तर्गत नारायणघाट प्रादेशिक कार्यालयका प्रमुख दिपक लम्सालले बीमा दाबी रकम बैंकको निक्षेप ग्राहक रुद्रप्रसाद बस्तीलाई हस्तान्तरण गरे । उक्त कार्यक्रममा सिद्धार्थ इन्स्योरेन्सको नारायणघाट शाखाका प्रबन्धक माधव रेग्मीको उपस्थिति रहेको थियो । बैंकले हाल सबै क्षेत्रमा गरी ९१ शाखा कार्यालयहरू, ८० एटीएम र १० एक्स्टेन्सन काउन्टरमार्फत आफ्ना ग्राहकहरूलाई बैंकिङ सेवा तथा सुविधा प्रदान गर्दै आएको छ ।