एचएसबीसीको सेयर मूल्य ५० प्रतिशतले बढ्यो

लन्डन ।
चर्चित बैंक एचएसबीसीको सेयर ५० प्रतिशतभन्दा बढी दरले बढेको छ । गत सेप्टेम्बरमा भने यसको सेयर मूल्य २५ वर्षयताकै न्यून विन्दुमा पुगेको थियो । बेलायतकै सर्वाधिक ठूलो बैंकले युरोप र एसियाका मुख्य बजारमा नियामकीय र आर्थिक दबाब भोगिरहेको छ । तर सेप्टेम्बरयता यसको सम्पत्ति भने हङकङमा ५० प्रतिशत र लन्डनमा ४८ प्रतिशतभन्दा बढीले सेयर मूल्य बढेको छ । यसको मुख्यालय लन्डनमा रहेको छ ।

बैंकले आधाजसो नाफा एसियाबाट कमाउँछ । यो बैंक हङकङ र लन्डनको सेयरबजारमा सूचीकृत छ । अहिले सेयर मूल्य उच्च दरमा बढे पनि यो वर्षको सुरुतिरभन्दा एक तिहाइले कममै छ । अक्टोबरमा एचएसबीसीले खर्च बचत गरेसँगै आशा गरेभन्दा बढी परिणाम हासिल गरेको थियो । ४६ प्रतिशतसम्म डिपोजिट नाफा घट्नुका बाबजुद बैंकले सुधार गर्दै करअघिको नाफा ३ अर्ब २० करोड अमेरिकी डलर पु-याउन सफल भएको छ ।